03.02.2026 | 19:18
ՌԴ-ն նախատեսում է խստացնել արտերկիր կանխիկ ռուբլու արտահանման կանոնակարգերը
Գագիկ Ծառուկյանի փեսան՝ Կարապետ Գուլոյանը, ներկայացել է Գլխավոր դատախազություն
Հասարակություն
12.10.2022 | 18:17
«Բարգավաճ Հայաստան կուսակցության» առաջնորդ Գագիկ Ծառուկյանի փեսան, Կոտայքի նախկին մարզպետ Կարապետ Գուլոյանը ներկայացել է Դատախազություն, ստացել ապօրինի ծագում ունեցող գույքի ուսումնասիրության վերաբերյալ նյութերը։ Այս մասին տեղեկությունը Factor.am-ի հետ զրույցում հաստատեցին Գլխավոր դատախազությունից։
Հիշեցնենք՝ Գագիկ Ծառուկյանի դուստրը՝ Ռոզա Ծառուկյանն ու փեսան հրավիրվել էին ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչություն։ Նրանց պատկանող գույքի առնչությամբ իրականացվել էր ուսումնասիրություն ու կազմվել ամփոփագիր։
Թե Ինչ գույքի մասին է խոսքը, դեռևս պաշտոնական մեկնաբանություն չի տրվել։ Նշենք, որ 2018 թվականին՝ Կոտայքի մարզպետ եղած ժամանակ, Գուլոյանը հայտարարագրել է 24 մլն 960 հզր դրամի արժեթուղթ, իսկ որպես գումար հայտարարագրել է 1 մլրդ 400 մլն դրամ, ավելի քան կես միլիոն` 548 հզր դոլար, իսկ տարեկան աշխատավարձը որպես մարզպետ, կազմել է 4 մլն 700 հզր դրամ։ Կինը՝ Ռոզա Ծառուկյանը, 2017–ին հայտարարագրել է 17 մլն դրամ և 44 հզ դոլար։
Արաքս Մամուլյան
