08.06.2026 | 10:57
Ընտրատեղամասի հարակից տարածքում դանակահարության դեպքով վարույթ է նախաձեռնվել սպանության հոդվածով
Թեհրանը պատրաստ է միջնորդ լինել Երևանի և Բաքվի միջև․ Իրանի գերագույն առաջնորդի խորհրդական
Քաղաքականություն
12.10.2022 | 14:11
Իրանը պատրաստ է միջնորդ լինել Երևանի ու Բաքվի հարաբերությունների կարգավորման հարցում։ Այս մասին ՌԻԱ Նովոստիին ասել է Իրանի գերագույն հոգևոր առաջնորդի միջազգային հարցերով խորհրդական, երկրի նախկին ԱԳ նախարար Ալի Աքբար Վելայաթին։
«Այո՛, իհարկե»,- ասել է Վելայաթին՝ պատասխանելով հարցին՝ արդյո՞ք Իրանը պատրաստ է միջնորդել հարևան Հայաստանի և Ադրբեջանի հարաբերությունների կարգավորման հարցում։
Նա նշել է, որ Իրանին մոտ գտնվող տարբեր տարածաշրջաններից իրենց համար հատուկ նշանակություն ունի Կովկասը։
«Այդ կապակցությամբ մեր հարևանների՝ Հայաստանի և Ադրբեջանի նկատմամբ մենք ավելի զգայունություն և ուշադրություն ենք դրևորում»,- ասել է Վելայաթին։
Ըստ իրանցի պաշտոնյայի՝ երկրների միջև խաղաղության հաստատման չափազանց կարևոր գործոններից մեկը հայտնի պատմական սահմանների պահպանումն է։
Էմմա Չոբանյան
