27.07.2026 | 12:51
Մահվան ելքով վրաերթ Իսակովի պողոտայում
Վաշինգտոնում կրակել են Ադրբեջանի դեսպանատան ծառայողական ավտոմեքենայի ուղղությամբ․ ԼՈՒՍԱՆԿԱՐ
Քաղաքականություն
12.10.2022 | 12:49
Հոկտեմբերի 10-ի լույս 11-ի գիշերը կրակել են ԱՄՆ-ում Ադրբեջանի դեսպանատան ծառայողական ավտոմեքենայի ուղղությամբ։ Այս մասին հայտնում է Ադրբեջանի ԱԳՆ-ն։
Հաղորդվում է, որ դեպքի առնչությամբ հոկտեմբերի 12-ին Բաքվում ԱՄՆ գործերի ժամանակավոր հավատարմատարը հրավիրվել է ԱԳՆ, որտեղ նրան խիստ մտահոգություն և դժգոհություն են հայտնել կատարվածի առնչությամբ, ինչպես նաև պահանջ է ներկայացվել՝ ապահովել ադրբեջանական դիվանագիտական ներկայացուցչության անվտանգությունը։
Հավելենք, որ Ադրբեջանի ԱԳՆ հաղորդագրության մասին խոսվում է նաև, իբր, տարբեր երկրների հայ համայնքների կողմից ադրբեջանական դիվանագիտական ներկայացուցչությունների վրա հարձակումների մասին։
Չնայած ավտոմեքենայի հետ կապված միջադեպը քննվում է և պարզ չէ, թե իրականում ինչ է տեղի ունեցել, Ադրբեջանի ԱԳՆ-ն արդեն կանխակալ և անհիմն կերպով փորձում է այն կապել տեղի հայերի հետ։
Էմմա Չոբանյան
