05.04.2026 | 19:49
Հույս ունեմ, որ այս գիշեր «Բուշեր» օդանավակայանից տարհանված աշխատակիցները կհասնեն Հայաստան․ «Ռոսատոմ»-ի ղեկավար
Զելենսկին կոչ է արել բացառել Ռուսաստանը ՅՈՒՆԵՍԿՕ-ից
Քաղաքականություն
12.10.2022 | 13:48
Ուկրաինայի նախագահ Վլադիմիր Զելենսկին հայտնել է, որ ռուսական ներխուժման հետևանքով հարյուրավոր մշակութային օբյեկտներ են վնասվել։ Նա ՅՈՒՆԵՍԿՕ-ին կոչ է արել բացառել Ռուսաստանին կազմակերպությունից այն պատճառով, որ ռուսական ռազմական հարվածները վնասել են հարյուրավոր մշակութային վայրեր Ուկրաինայի ամբողջ տարածքում, գրում է VOA-ն։
ՅՈՒՆԵՍԿՕ-ին ուղղված իր ուղերձում Զելենսկին հայտարարել է նաև, որ Ուկրաինան առաջարկել է սևծովյան Օդեսա քաղաքը ՅՈՒՆԵՍԿՕ-ի համաշխարհային ժառանգության ցանկում ընդգրկվել։
Նրա խոսքով՝ փետրվարի 24-ին ռուսական ներխուժման սկզբից ի վեր Ուկրաինայում վնասվել են 540 «մշակութային ժառանգության օբյեկտներ, մշակութային հաստատություններ և կրոնական շինություններ»։
«Ինչո՞ւ են Ռուսաստանի ներկայացուցիչները դեռ ձեր կազմում։ Ի՞նչ են անում ՅՈՒՆԵՍԿՕ-ում»,- հարցրել է նա։
Ներկայում Ռուսաստանը նախագահում է ՅՈՒՆԵՍԿՕ-ի Համաշխարհային ժառանգության կոմիտեն, որը, ըստ Ուկրաինայի նախագահի, «արժեզրկում է ինքնին հաստատությունը՝ նրա կշիռն ու հեղինակությունը»։
Տաթև Ֆռանգյան
