15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
ԲԴԽ-ն մերժել է Գլխավոր դատախազի դիմումը. դատավորի նկատմամբ քրեական հետապնդում չի թույլատրում
Հասարակություն
12.10.2022 | 11:03
Factor.am-ի տեղեկություններով՝ Բարձրագույն դատական խորհուրդը երեկ մերժել է Վարչական դատարանի դատավոր Անի Հարությունյանի նկատմամբ քրեական հետապնդում հարուցելու թույլտվություն ստանալու մասին ՀՀ գլխավոր դատախազի միջնորդությունը։ Խորհուրդն արձանագրել է, որ նման միջնորդության քննությունն իրենց տիրույթում չէ։
Հիշեցնենք՝ Գլխավոր դատախազ Աննա Վարդապետյանը ԲԴԽ-ից պահանջում էր անձեռնմխելիությունից զրկել դատավոր Անի Հարությունյանին։ Չնայած գերատեսչությունն այդպես էլ չէր մանրամասնել, թե որ քրեական գոըծով է անցնում դատավորը, պատճառաբանելով նախաքննության գաղտնիությունը, ըստ որի՝ «դատական իշխանության ու դատավորի հեղինակությունը պահպանելու անհրաժեշտությամբ պայմանավորված՝ միջնորդության բովանդակությունը և դատավորին անհատականացնող տվյալները հրապարակման ենթակա չեն», այնուամենայնիվ Factor.am-ին հայտնի դարձավ, որ միջնորդության հիմքում Հարությունյանի հայտարարագրում հայտնաբերված կեղծ տվյալներն են։
Մասնավորապես, դատավորի հայտարարագրում նշված է, որ ինքը որպես փոխառություն գումար է տրամադրել, այնինչ պարզվել է՝ տեղեկությունն իրականությանը չի համապատասխանում։ Խորհուրդը մերժման հիմքում արձանագրել է, որ հարցը ԲԴԽ տիրույթում չէ։ Նշենք՝ Անի Հարությունյանը Վարչական դատարանի դատավորի պաշտոնում է 2013 թվականից։
Ռոզա Վարդանյան
