16.05.2026 | 20:00
ՀՀ ԱԳ փոխնախարարը ԵԽ գլխավոր քարտուղարին է հանձնել «Մարզական մրցումների մեքենայությունների մասին» կոնվենցիայի վավերագիրը
Գլխավոր դատախազը ԲԴԽ-ից պահանջում է անձեռնմխելիությունից զրկել դատավոր Անի Հարությունյանին
Հասարակություն
11.10.2022 | 13:00
ՀՀ գլխավոր դատախազ Աննա Վարդապետյանը միջնորդություն է ներկայացրել Բարձրագույն դատական խորհուրդ՝ Վարչական դատարանի դատավոր Անի Հարությունյանին անձեռնմխելիությունից զրկելու պահանջով։ Տեղեկությունը Factor.am-ի հետ զրույցում հաստատեց գլխավոր դատախազի խորհրդական Լուսինե Մարտիրոսյանը։
«Դատական օրենսգրքի 161-րդ հոդվածի 1-ին մասի հիման վրա՝ իր լիազորությունների իրականացման կապակցությամբ դատավորի նկատմամբ քրեական հետապնդում հարուցելու վերաբերյալ համաձայնություն տալու հարցով ՀՀ գլխավոր դատախազը միջնորդություն է ներկայացրել Բարձրագույն դատական խորհուրդ»,- նշեց Մարտիրոսյանը։
Թե կոնկրետ ի՞նչ քրեական գործով է անցնում դատավոր Հարությունյանը, գերատեսչությունը չմանրամասնեց։
«Նախաքննության գաղտնիությունը, դատական իշխանության ու դատավորի հեղինակությունը պահպանելու անհրաժեշտությամբ պայմանավորված՝ միջնորդության բովանդակությունը և դատավորին անհատականացնող տվյալները հրապարակման ենթակա չեն»,- նշեց գլխավոր դատախազի խորհրդականը:
Նշենք, որ Անի Հարությունյանը Վարչական դատարանի դատավորի պաշտոնում է 2013 թվականից։
Ռոզա Վարդանյան
