15.12.2025 | 14:00
Ցորենի նոր խմբաքանակ է գալիս Ադրբեջանով, հացի գնի վրա ազդելո՞ւ է, չեմ կարող ասել. Պապոյան․ ՏԵՍԱՆՅՈՒԹ
ԱՄՆ-ն ու Թուրքիան կքննարկեն Մանբիչից քրդերի հեռանալու հարցը
Քաղաքականություն
30.05.2018 | 19:15
Թուրքիայի արտգործնախարար Մևլութ Չավուշօղլուն մեկնելու է ԱՄՆ, որտեղ ամերիկացի պաշտոնյաների հետ քննարկելու է Սիրիայի քրդական ուժերի վերահսկողության տակ գտնվող Մանբիչ քաղաքի հարցը. փոխանցում է ermenihaber-ը:
Ըստ Չավուշօղլուի՝ Սիրիայի քրդական ուժերը դուրս են գալու Մանբիչ քաղաքից։ Եթե ԱՄՆ-ն ու Թուրքիան դրա շուրջ գան պայմանավորվածության, ապա քրդերը դուրս կգան Սիրիայի հյուսիսային մյուս շրջաններից ևս։
«Սիրիայի քրդական ուժերը դուրս են գալու Մանբիչից, իսկ Թուրքիան հետևելու է այդ գործընթացին։ Միջոցներ են ձեռնարկվելու, որպեսզի ապահովվի գործընթացի անվտանգությունը։ Եթե մենք համաձայնության գանք, ապա նման գործընթացներ կարող են տեղի ունենալ Սիրիայի հյուսիսային այլ շրջաններում ևս։ Կարծում եմ, որ Վաշինգտոնը ցանկանում է կտրել Սիրիայի քրդական ուժերի և «Քուրդիստանի բանվորական կուսակցության» (ՔԲԿ-PKK) միջև գոյություն ունեցող կապը»,-նշել է Չավուշօղլուն։
ԱՄՆ-ի պետքարտուղարության խոսնակ Հիթեր Նոյերթն էլ ասել է, որ թուրք պաշտոնյաների հետ Մանբիչի վերաբերյալ դեռ որևէ պայմանավորվածություն չկա։
