28.06.2026 | 14:08
ՍԴ-ն քննում է ընտրությունների արդյունքներն անվավեր ճանաչելու գործը․ ՈՒՂԻՂ
Արամ Սիմոնյանը տեղափոխվել է հիվանդասենյակ․ վիճակը կայուն է
30.05.2018 | 18:24
ԵՊՀ ռեկտոր Արամ Սիմոնյանը, ով երեկ տեղափոխվել էր Նորք-Մարաշ բ/կ, արդեն հիվանդասենյակում է, նրա առողջական վիճակը գանահատվում է կայուն։ Այս մասին Factor.am-ին տեղեկացրին Նորք-Մարաշ բժշկական կենտրոնից՝ դժվարանալով նշել, թե երբ Սիմոնյանը դուրս կգրվի հիվանդանոցից:
Հիշեցնենք, որ երեկ ԵՊՀ-ում բողոքի ակցիա էր, ուսանողները պահանջում էին Արամ Սիմոնյանի հրաժարականը։ Վերջինս երեկ հանդիպել էր ուսանողներին, ժամեր տևած քննարկումից հետո, երբ փորձել էր հեռանալ, Սիմոնյանի ճանապարհն ուսանողները փակել էին ու նրա ինքնազգացողությունը վատացել էր։ Ավելի ուշ ճնշման տատանում էր ունեցել և ԵՊՀ էր հրավիրվել շտապօգնություն։
Ժամեր անց էլ հայտարարվել էր, որ Արամ Սիմոնյանին հոսպիտալացրել են։
Այսօր ԵՊՀ ռեկտորի խոսնակ Գևորգ Էմին-Տերյանը Factor.am-ին հայտնել էր, որ Արամ Սիմոնյանը հոսպիտալացվել է նախակաթվածային ախտորոշմամբ, որի զարգացումը հնարավոր է եղել կանխել։ Ի դեպ, բողոքի ակցիան, Արամ Սիմոնյանի առողջական վիճակը հաշվի առնելով, ուսանողները դադարեցրել են՝ առողջություն մաղթելով Արամ Սիմոնյանին, սակայն նաև պնդելով, որ իրենց պահանջներից չեն հրաժարվի:
Լիլիթ Շաբոյան
