10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
ԱԱԾ-ն «Երևան սիթի»-ի գլխավոր գրասենյակում գործողություններ է իրականացնում
Հասարակություն
30.05.2018 | 17:30
Ազգային անվտանգության ծառայության (ԱԱԾ) աշխատակիցները գործողություններ են իրականացնում «Երևան սիթի» խանութների ցանցի գլխավոր գրասենյակում: Այդ մասին «Արմենպրես»-ի հետ զրույցում ասել է ԱԱԾ մամուլի կենտրոնի պետ Սամսոն Գալստյանը:
Ըստ «Արմենպրես»-ի, Գալստյանը հրաժարվել է այլ մանրամասներ հաղորդել՝ նշելով, որ միջոցառումների վերաբերյալ տեղեկատվություն կտրամադրվի ավելի ուշ:
Նշենք, որ այսօր ավելի վաղ Պետական եկամուտների կոմիտեն (ՊԵԿ) տեղեկացրել էր, թե մայիսի 30-ին` առավոտյան, առանձին էլեկտրոնային լրատվամիջոցներ լուրեր են տպագրել՝ իբր ՊԵԿ դիմակավորված աշխատակիցները մուտք են գործել «Երևան Սիթի»-ի գլխավոր գրասենյակ և ԱԺ պատգամավոր Սամվել Ալեքսանյանի առանձնատուն:
Պետական եկամուտների կոմիտեն պարզաբանել էր, որ «վերոհիշյալ գործողությունների հետ ՊԵԿ աշխատակիցները որևէ առնչություն չունեն»։
