25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Հանցագործություն և բարբարոսություն․ Եվրոպայի առաջնորդները՝ Ուկրաինայի քաղաքների վրա ռուսական հրթիռային հարձակումների մասին
Քաղաքականություն
10.10.2022 | 17:47
Ֆրանսիայի նախագահ Էմանուել Մակրոնն արտակարգ հեռախոսազրույց է ունեցել Ուկրաինայի նախագահ Վլադիմիր Զելենսկիի հետ, գրում է BBC-ի ռուսական ծառայությունը։
Ելիսեյան պալատի հաղորդագրության համաձայն՝ Մակրոնը վերահաստատել է իր աջակցությունն Ուկրաինային և ծայրահեղ անհանգստություն է հայտնել խաղաղ բնակչության շրջանում զոհերի մասին տեղեկությունների կապակցությամբ։
Գերմանիայի կանցլեր Օլաֆ Շոլցը ևս հեռախոսազրույց է ունեցել Զելենսկիի հետ ու հավաստիացրել Բեռլինի և G7-ի այլ երկրների աջակցության հարցում։
Լեհաստանի ԱԳ նախարար Զբիգնև Ռաուն իր հերթին հրթիռային հարվածներն անվանել է «բարբարոսության ակտ և պատերազմական հանցագործություն»՝ հավելելով. «Ռուսաստանը չի կարող հաղթել այս պատերազմում։ Մենք կանգնած ենք քո թիկունքին, Ուկրաինա՛»։
Մեծ Բրիտանիայի ԱԳ նախարար Ջեյմս Քլևերլին կարծիք է հայտնել, որ Ռուսաստանի հարձակումները քաղաքացիական օբյեկտների վրա անընդունելի են և ՌԴ նախագահ Վլադիմիր Պուտինի թուլության, այլ ոչ թե ուժի ցուցադրությունն են:
Էմմա Չոբանյան
