16.01.2026 | 22:40
Ժաննա Անդրեասյանին շնորհվել է Մատենադարանի երախտագիտության մեդալ
Կառավարության համար ավելի կարևոր են շենքերը, քան մարդիկ․ հոգեկան առողջության խնդիր ունեցողները շարունակում են մնալ հաստատություններում․ Մուշեղ Հովսեփյան․ ՏԵՍԱՆՅՈՒԹ
Հասարակություն
10.10.2022 | 15:12
ՀՔԱՎ գրասենյակը Բաց հասարակության հիմնադրամների աջակցությամբ և Մեդիա կենտրոնի հետ համագործակցությամբ նախաձեռնել է «Հոգեկան առողջությունը՝ ճգնաժամային իրավիճակներում» թեմայով քննարկում՝ այս խնդիրների վրա ևս մեկ անգամ ուշադրություն հրավիրելու և հնարավոր լուծումներ գտնելու նպատակով։
Կառավարության 2021-2023 թթ․ միջնաժամկետ ծախսային ծրագրով հաջորդ տարի նախատեսվում է 2021թ․ համեմատ նվազեցնել տնային խնամք ստացող հաշմանդամություն ունեցող կամ տարեց անձանց թիվը 683-ով, փոխարենը նախատեսվում է մեծացնել հաստատություներում ապրողների թիվը 94 մարդով։ Այս մասին քննարկման ժամանակ հայտնեց «Հաշմանդամություն ունեցող անձանց իրավունքների օրակարգ» ՀԿ նախագահ Մուշեղ Հովսեփյանը։
«Եթե 2021-ին 2,3 միլիարդ դրամ էր հատկացվում խնամքի հաստատություններին, 2023 թվականին կառավարությունը 96 միլիոն դրամ ավել կհատկացնի՝ 3,1 միլիարդ դրամ, իսկ խնամքի ծառայությունների (որոնք ենթադրաբար լուծումն են, որպեսզի մարդկ չհայտնվեն հաստատություններում) համար նախատեսված գումարը կավելանա ընդամենը 23 միլիոն դրամով:
Վերջին տարիներին առաջին անգամ այդ հաստատությունների շենքային պայմանների բարելավմանը կուղղվի 118 միլիոն դրամ, խոսքն այն հաստատությունների մասին է, որոնք պետք է փակվեն։
Իրականում կառավարության համար ավելի կարևոր են շենքերը, քան մարդիկ․ հոգեկան առողջության խնդիր ունեցողները շարունակում են մնալ հաստատություններում՝ զրկված լինելով կենցաղային որոշում կայացնելու իրավունքից՝ սկսած երբ արթնալ հարցից մինչև ինչ ուտել հարցին պատասխանելուց, ինչը շատ կարևոր է հոգեկան առողջության համար»,- նշեց Հովսեփյանը։
Մանրամասները՝ տեսանյութում։
