15.12.2025 | 14:00
Ցորենի նոր խմբաքանակ է գալիս Ադրբեջանով, հացի գնի վրա ազդելո՞ւ է, չեմ կարող ասել. Պապոյան․ ՏԵՍԱՆՅՈՒԹ
Սեֆիլյանի և մյուսների գործով վերաքննիչ նիստը չկայացավ․ դատավորի նյարդերը տեղի տվեցին
Հասարակություն
30.05.2018 | 16:27
«Հիմնադիր խորհրդարանի» անդամ Ժիրայր Սեֆիլյանի և մյուսների գործով վերաքննիչ դատական նիստն այսօր տապալվեց։ Նիստի մեկնարկին հայտարարվեց, որ ամբաստանյալները դատարան չեն բերվել, սա հանգեցրեց նրան, որ դատական նիստերի դահլիճում հավաքվածները սկսեցին գոռալ, դատավորներին և դատախազներին մեղադրել անօրինական գործելու և արդարադատություն չիրականացնելու մեջ։
Դատական նիստերի քարտուղարն ասաց, թե նիստին ամբաստանյալները չեն ներկայացել, ինչին ի պատասխան վերջերս ազատ արձակված Կարո Եղնուկյանը հակադարձեց, ոչ թե չեն ներկայացել, այլ չեն բերվել․ «Նրանք ինչ է «Յանդեքս» տաքսի պիտի կանչեին գայի՞ն, չեն ներկայացելը ո՞րն է, ասեք չեն բերվել»։
Հետո Սեֆիլյանի աջակիցների դժգոհությունից աղմուկ բարձրացավ, դատավորի նյարդրերը տեղի տվեցին, նա հայտարարեց, որ նիստը «ստեղծված իրավիճակի պատճառով» հետաձգվում է։ Շուշիի առանձնակի գումարտակի հրամանատարի աջակիցները նախ դատարանի շենքում մնացին որոշ ժամանակ, ապա որոշեցին երթ անել դեպի դատախազություն՝ պահանջելու Արթուր Դավթյանի հրաժարականը։
Ի վերջո, բողոքի գործողություններն ավարտվեցին պայմանով, որ հաջորդ դատական նիստին՝ հունիսի 6-ին, կրկին կհավաքվեն դատական պրոցեսին հետևելու։
Լիլիթ Շաբոյան
