30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Եվրոպային դժվար ձմեռ է սպասվում ՌԴ-ից գազի մատակարարումների սահմանափակման պատճառով․ Էրդողան
Քաղաքականություն
10.10.2022 | 16:36
Թուրքիայի նախագահ Ռեջեփ Թայիփ Էրդողանը հայտարարել է, որ Ռուսաստանից գազի մատակարարումների սահմանափակումների պատճառով Եվրոպային բարդ ձմեռ է սպասվում, գրում է BBC-ի ռուսական ծառայությունը։
«Այժմ ամբողջ Եվրոպան հարց է տալիս՝ ինչպե՞ս է անցնելու այս ձմեռը»,- ասել է Էրդողանը Ստամբուլում Թուրքիայի երիտասարդական հիմնադրամի անդամների հետ հանդիպման ժամանակ։
Նա հավելել է, որ Թուրքիան այս ձմեռ էներգետիկ ռեսուրսների հետ կապված խնդիրներ չի ունենա։
«Մենք ավարտել ենք ձմռան նախապատրաստական աշխատանքները, լիովին պատրաստ ենք դրան և էներգիայի աղբյուրների հետ կապված խնդիրներ չենք ունենա: Մենք պատրաստ ենք մեր ժողովրդին ապահովել բնական գազով և ածուխով, խնդիրը մատչելի գներով մատակարարելն է, աշխատում ենք այդ ուղղությամբ»,- ասել է Թուրքիայի նախագահը։
Նա նաև հայտարարել է, որ Անկարան առաջատար դեր է խաղում Ուկրաինայում խաղաղ կարգավորմանն ուղղված ջանքերում։
Տաթև Ֆռանգյան
