08.06.2026 | 10:57
Ընտրատեղամասի հարակից տարածքում դանակահարության դեպքով վարույթ է նախաձեռնվել սպանության հոդվածով
Չավուշօղլուն հայտարարել է, թե «Ֆրանսիայի հայկական սփյուռքը խանգարում է Երևանի հետ հարաբերությունների կարգավորմանը»
Քաղաքականություն
10.10.2022 | 12:42
Թուրքիայի ԱԳ նախարար Մևլութ Չավուշօղլուն Ստրասբուրգում թուրքական համայնքի ներկայացուցիչների հետ հանդիպմանը հայտարարել է թե, «Ֆրանսիայում հայկական սփյուռքի մի մասը դեմ է Ադրբեջանի ու Թուրքիայի հետ Հայաստանի հարաբերությունների կարգավորմանը», գրում է Անադոլուն։
Նա պնել է, թե, իբր, սփյուռքի որոշ հատված դեմ է լավ հարաբերությունների հաստատմանը և աջակցում է թշնամությանը։ Չավուշօղլուն թուրքական համայնքին ուղղորդել է հայերի դեմ գործողությունների՝ կոչ անելով «պայքարել նման դրսևորումների դեմ»։
Նախարարը նաև հայտնել է, որ Թուրքիայի նախագահ Ռեջեփ Թայիփ Էրդողանի հրավերով առաջիկայում Ֆրանսիայի նախագահ Էմանուել Մակրոնը կարող է այցելել Թուրքիա։ «Մենք Ֆրանսիայի ԱԳՆ ղեկավարի հետ համակարգում ենք ջանքերը, որպեսզի այցը կայանա առաջիկայում»,-ասել է Մևլութ Չավուշօղլուն։
Էմմա Չոբանյան
