21.04.2026 | 19:15
Պուտինը գիտի՝ ռուսամետ ուժերը ՀՀ-ում իշխանության չեն գա, ուզում է՝ ԱԺ մտնեն, ՌԴ-ի շահերը պաշտպանեն․ Միքայել Զոլյան. ՏԵՍԱՆՅՈՒԹ
Զապորոժիեի հրթիռակոծումը խաղաղ բնակիչների, այդ թվում՝ երեխաների կյանք է խլել
Քաղաքականություն
09.10.2022 | 20:00
Անցած գիշեր Զապորոժիեն կրկին ենթարկվել է ռուսական զորքերի զանգվածային հրթիռային հարվածների: Զապորոժիեի մարզային պետական ռազմական վարչակազմը հայտնում է, որ ժամը 14:00-ի դրությամբ հաստատվել է 13 խաղաղ բնակիչների մահը, ևս 60-ը գտնվում են հիվանդանոցում:
«Վիրավորների և զոհվածների թվում երեխաներ կան»,- BBC-ի ռուսական ծառայության փոխանցմամբ՝ ասված է հաղորդագրության մեջ։
Ուկրաինայի իշխանությունները լուսանկարներ են հրապարակում, որտեղ երևում են հրթիռակոծության հետևանքով ավերված շենքերը։ Փրկարարները շարունակում են փլատակներում որոնողական աշխատանքները։
«Այսօր գիշերը թշնամին տակտիկական ավիացիա էր կիրառում մարզային կենտրոնին հրթիռային հարված հասցնելու համար։ Նախնական տեղեկություններով՝ ինքնաթիռները Զապորոժիեի ուղղությամբ 12 հրթիռ են արձակել։ Հրթիռների մեծ մասը հայտնվել է Զապորոժիեի շրջաններից մեկում։ Մասնակի քանդվել է 9 հարկանի տունը։ Ավերվել է հինգ առանձնատուն։ Խոցված են ենթակառուցվածքային օբյեկտները։ Վնասվել է 20 ավտոմեքենա»,- գրել է նա։
Այս շաբաթ Զապորոժիե քաղաքը մի քանի անգամ հրթիռակոծության է ենթարկվել։
Չնայած այն հանգամանքին, որ Ռուսաստանը պաշտոնապես բռնակցել է Ուկրաինայի Զապորոժիեի շրջանը, ռուս զինվորականները վերահսկում են տարածաշրջանի միայն 70 տոկոսը: Ռուսական զորքերը կարողացել են օկուպացնել Էներգոդարը, Մելիտոպոլը և Բերդյանսկը։ Շրջանի վարչական կենտրոնը՝ Զապորոժիե քաղաքը, մնացել է Ուկրաինայի վերահսկողության տակ։
