16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
2024-ի Օլիմպիական խաղերին ընդառաջ՝ մարզիկներին ու մարզիչներին սպորտային նպաստ է հատկացվում
Հասարակություն
07.10.2022 | 20:58
ԿԳՄՍ նախարարի տեղակալ Կարեն Գիլոյանն սպորտի ոլորտի պետական աջակցության ծրագրերով իրականացվող միջոցառումներից առանձնակի կարևորում է Փարիզի 2024 թվականի Օլիմպիական խաղերին նախապատրաստական աշխատանքները․ տեղեկացնում են ԿԳՄՍ նախարարությունից։
«Այդ շրջանակում վարկանիշային մրցաշարերին մասնակցելու նպատակով օլիմպիական խաղերի, աշխարհի և Եվրոպայի առաջնությունների հաղթողները, մրցանակակիրները, ինչպես նաև Օլիմպիական խաղերում, աշխարհի առաջնություններում 4-8-րդ տեղը գրաված մարզիկները և օլիմպիական խաղերի ծրագրում ընդգրկված մարզաձևերի Հայաստանի հավաքական թիմերի մարզիչները, բժիշկներն ու մերսողները Կառավարության ծրագրով սպորտային նպաստ են ստանում:
«2 տարուց էլ քիչ է մնացել Փարիզի 2024 թվականի Օլիմպիական խաղերի մեկնարկին: Կառավարության որոշմամբ՝ ֆինանսական աջակցություն են ստանում ինչպես մարզիկներն ու մարզիչները, այնպես էլ հավաքական թիմի մյուս անդամները՝ բժիշկներ, մերսողներ»,- նշում է նախարարի տեղակալը` ավելացնելով, որ նախապատրաստական մրցումներին երբեք նման պետական մոտեցում չէր ցուցաբերվել:
«Կառավարությունն այժմ անում է ամեն բան, որպեսզի Հայաստանի օլիմպիական հավաքականը Փարիզում փառահեղ ելույթներ ունենա և բարձր պահի Հայաստանի մարզական պատիվը»,- ասում է ԿԳՄՍ նախարարի տեղակալը:
Հիշեցնենք՝ սպորտային նպաստի տրամադրման ծրագիրը շարունակվելու է մինչև 2024 թվականի Փարիզի օլիմպիական խաղերի ավարտը՝ հիմք ընդունելով «Փարիզ-2024» 33-րդ ամառային Օլիմպիական խաղերին Հայաստանի հավաքականների նախապատրաստությունը՝ ֆեդերացիաների 2022, 2023 թվականների օրացուցային պլաններով նախատեսված աշխարհի, Եվրոպայի առաջնություններին և 2023, 2024 թվականների վարկանիշային մրցաշարերին Հայաստանի հավաքականների մասնակցություն»,- ասված է հաղորդագրությունում։
