16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
ԱՊՀ երկրների միջև հակամարտությունների կարգավորման համար միջոցներ պետք է մշակել․ Պուտին
Քաղաքականություն
07.10.2022 | 18:16
Անհրաժեշտ է միջոցներ մշակել ԱՊՀ անդամ երկրների միջև հակամարտությունները լուծելու համար, հայտարարել է ՌԴ նախագահ Վլադիմիր Պուտինը Համագործակցության ղեկավարների ոչ պաշտոնական գագաթնաժողովում։ Նրա խոսքով, նման միջոցների բացակայությունը կարող է հանգեցնել ողբերգական իրադարձությունների, ինչպես, օրինակ, Ուկրաինայում, գրում է news.ru-ն։
«Բացի Ուկրաինայից, որտեղ իսկապես ողբերգական իրադարձություններ են տեղի ունենում, ցավոք, երբեմն հակամարտություններ են ծագում հետխորհրդային տարածքի այլ հարևան պետությունների միջև։ Սա, իհարկե, պահանջում է դրանց լուծմանն ուղղված միջոցառումների մշակում»,- ընդգծել է ՌԴ նախագահը։
Ավելի վաղ Պուտինը պնդել էր, թե «հավաքական Արևմուտքը մշակում է ԱՊՀ երկրներում նոր հակամարտությունների սցենարներ՝ նպատակ ունենալով այդ երկրները վերածել ճգնաժամի էպիկենտրոնի, այնտեղ գունավոր հեղափոխություններ հրահրել և արյունալի ջարդ սանձազերծել»։ Ուստի, ըստ նրա, ԱՊՀ անդամները պետք է ուժեղացնեն փոխադարձ աջակցությունը։
Ռուսաստանի ղեկավարի խոսքով՝ ԱՊՀ երկրներում հակամարտությունների հրահրման հիմնական պատճառը Խորհրդային Միության փլուզումն էր։
Տաթև Ֆռանգյան
