14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Խոշտանգումների ու վատ վերաբերմունքի մասին մեզ պատմել են վերադարձած գերիներից գրեթե բոլորը․ ՀՀ ՄԻՊ․ ՏԵՍԱՆՅՈՒԹ
Հասարակություն
07.10.2022 | 12:02
Ադրբեջանական գերությունից վերադարձած 16 զինծառայողների հետ երեկ առանձին հանդիպումներ ենք անցկացրել։ Հոսպիտալում գտնվող մի զինծառայողի հետ հանդիպումը կկայանա այսօր։ Այս մասին այսօր կայացած ասուլիսում հայտնեց ՀՀ մարդու իրավունքների պաշտպան Քրիստինե Գրիգորյանը։
«Մենք առանձին զեկույց կունենանք, որի միջոցով կարձանագրենք այն փաստական տվյալները, որոնք հայտնել են տղաները։ Այդ հարցազրույցներով մենք վեր ենք հանել փաստեր խոշտանգումների, վատ վերաբերմունքի, նվաստացումների վերաբերյալ»,- նշեց Գրիգորյանը։
Նրա խոսքով` 2020-ի 44-օրյա պատերազմից հետո հայրենիք վերադարձած գերիների հետ նույնպես առանձնազրույց էին ունեցել և առանձին զեկույց են հրապարակել։ Գրիգորյանը նշեց, որ ադրբեջանական կողմի ձեռագիրը չի փոխվել։
Խոշտանգումների ու վատ վերաբերմունքի մասին մեզ պատմել են վերադարձած գերիներից գրեթե բոլորը․ ասաց ՀՀ ՄԻՊ-ը։ Նա հայտնեց նաև, որ անգամ բժիշկների կողմից են վատ վերաբերմունքի արժանացել հայ զինծառայողները։
ՄԻՊ-ը հավելեց, որ զեկույցը կներկայացնեն միջազգային կառույցներին, դատական ատյաններին։
Մանրամասները՝ տեսանյութում։
