13.04.2026 | 19:19
Մալխաս Ամոյան․ Լավ մարզավիճակում եմ Եվրոպայի առաջնությունից առաջ, կփորձեմ նվաճել 5-րդ ոսկե մեդալը
Վահրամ Դումանյանը հանդիպել է մի շարք բարձրաստիճան պաշտոնյաների հետ
Հասարակություն
06.10.2022 | 20:52
ՀՀ կրթության, գիտության, մշակույթի և սպորտի նախարար Վահրամ Դումանյանը Կիպրոսի Հանրապետություն կատարած այցի շրջանակում հանդիպումներ է ունեցել մի շարք երկրների բարձրաստիճան պաշտոնյաների հետ. տեղեկացնում են ՀՀ ԿԳՄՍՆ-ից։
Հանդիպումներին մասնակցել են նախարարի տեղակալ Արթուր Մարտիրոսյանն ու նախարարի խորհրդական Արման Անդրիկյանը:
Վրաստանի կրթության և գիտության նախարար Միխեիլ Չխենկելիի հետ հանդիպմանը քննարկվել են բարձրագույն կրթության ոլորտին առնչվող հարցեր, անդրադարձ է կատարվել նաև ՀՀ բուհերում վրացագիտության, իսկ Վրաստանի բուհերում՝ հայագիտական ամբիոնների գործունեությանը:
Նախարարը հանդիպել է նաև Կիպրոսի կրթության, մշակույթի, սպորտի և երիտասարդության նախարար Պրոդրոմոս Պրոդրոմուի հետ: Հանդիպման ընթացքում քննարկվել է ԿԳՄՍՆ ոլորտներում համագործակցության և նոր համաձայնագիր կնքելու հնարավորության հարցը:
Սերբիայի կրթության, գիտության և տեխնոլոգիական զարգացման պետնախարար Բրանկո Ռուժիչի հետ հանդիպման ընթացքում էլ անդրադարձ է եղել կրթության ոլորտում սերբական փորձի ուսումնասիրման հարցերին:
ՀՀ կրթության, գիտության, մշակույթի և սպորտի նախարար Վահրամ Դումանյանը մասնակցել է նաև Կիպրոսի Հանրապետության Ներկայացուցիչների պալատում կայացած ընդունելությանը:
Հիշեցնենք, որ ԿԳՄՍ նախարար Վահրամ Դումանյանի գլխավորած պատվիրակությունը հոկտեմբերի 5-7-ը մասնակցում է Կիպրոսի Հանրապետությունում անցկացվող «Կրթությունը հանուն կայուն զարգացման, շրջանաձև տնտեսություն. կայուն ենթակառուցվածք և կայուն զբոսաշրջություն» խորագրով ՄԱԿ-ի Եվրոպայի տնտեսական հանձնաժողովի 9-րդ նախարարական համաժողովին:
