10.07.2026 | 12:42
ՌԴ-ից Ադրբեջանի տարածքով պրոպան գազ և պարարտանյութ կուղարկվի Հայաստան
Թաիլանդի մանկապարտեզում զինված հարձակումը 34 մարդու կյանք է խլել․ մեծ մասը երեխաներ են
Քաղաքականություն
06.10.2022 | 19:53
Առնվազն 34 մարդ, այդ թվում՝ 22 երեխա է մահացել Թաիլանդի հյուսիս-արևելքում ատրճանակով և դանակով զինված տղամարդու կողմից մանկապարտեզի վրա հարձակման հետևանքով, գրում է BBC-ի ռուսական ծառայությունը։
Հարձակումը տեղի է ունեցել Նոնգբուալամֆու նահանգում։ Սկզբում հաղորդվում էր, որ ոստիկանությունը փնտրում է սպիտակ Toyota մակնիշի մեքենա՝ Բանգկոկում թողարկված համարներով։ Այնուհետև Թաիլանդի Կենտրոնական քննչական բյուրոն (CIB) հայտնել է, որ տղամարդն ինքնասպան է եղել, ինչպես նաև կրակել է իր կնոջ և երեխայի վրա։
Իրավապահ մարմինների տվյալներով՝ հարձակվողը 34-ամյա Պանյա Կամրաբն է։ Անցյալ տարի նա հեռացվել էր ոստիկանությունից թմրանյութ օգտագործելու համար։
Նման հարձակումները Թաիլանդում չափազանց հազվադեպ են։ 2020 թվականին Նախոն Ռաչասիմա նահանգում զինվորի հարձակման հետևանքով զոհվել էր ավելի քան 20 մարդ, տասնյակ մարդիկ վիրավորվել էին։
Տաթև Ֆռանգյան
