Որտեղ և երբ են գնդակահարվել հայ գերիները․ զինվորներից 2-ը նույնականացվել են, Բաքուն հակաքայլեր է անում․ ՏԵՍԱՆՅՈՒԹ

Լուրեր

19.11.2026 | 16:51
Փաշինյանը դեկտեմբերի 3-ին կմեկնի Մոսկվա և կհանդիպի Պուտինի հետ․ ՏԵՍԱՆՅՈՒԹ
19.11.2026 | 16:46
Ամերիկյան AECOM-ը Մհեր Գրիգորյանին ներկայացրել է ԹՐԻՓՓ նախագծի տեխնիկատնտեսական ուսումնասիրության նախնական արդյունքները
19.11.2026 | 16:35
Բագրատ արքեպիսկոպոս Գալստանյանի տնային կալանքի ժամկետը 3 ամսով երկարաձգվեց
19.11.2026 | 16:24
Գրեթե բոլոր ռուսական բանկերը սանկցիաների տակ են, մեզ համար դա խնդիրներ է ստեղծում․ Մարտին Գալստյան․ ՏԵՍԱՆՅՈՒԹ
19.11.2026 | 16:13
Կրեմլը հայտնել է, որ Ուկրաինայի թեման ԱՄՆ-ի և Չինաստանի հետ եռակողմ հանդիպման առանցքային հարցը չի եղել
19.11.2026 | 16:05
Խվիչա Կվարացխելիան տարվա մարդ է ճանաչվել GQ France ամսագրի վարկածով
19.11.2026 | 15:55
Հայաստանի տնտեսությունը տուժել է, որպեսզի ընդդիմությունն ավելի շատ քվե ստանա՞․ Ռուբինյան․ ՏԵՍԱՆՅՈՒԹ
19.11.2026 | 15:51
Պուտինը, Թրամփն ու Սի Ցզինպինը համատեղ հռչակագիր են ընդունել․ ինչ կետեր են ներառված
19.11.2026 | 15:47
ՖԻՖԱ-ի նախագահի պաշտոնում առաջադրվել է երեք թեկնածու
19.11.2026 | 15:38
Թբիլիսիի բնակելի շենքերից մեկում պայթյուն է տեղի ունեցել․ փլատակների տակ 7 մարդ կա, այդ թվում՝ երեխաներ
19.11.2026 | 15:30
Վազգեն Սարգսյանի անվան ռազմական ակադեմիայի կուրսանտները մասնակցել են Չինաստանում անցկացված միջազգային ծրագրին
19.11.2026 | 15:21
Բաքուն արդարացրել է հայ գերիների շինծու դատավճիռները և Ֆրանսիային կոչ արել «զերծ մնալ Ադրբեջանի ներքին գործերին միջամտելուց»
19.11.2026 | 15:10
Փաշինյանը՝ իր հրաժարականի պայմանի մասին // Հայաստանը հրավիրվել է G20-ի գագաթնաժողովին․ ԼՈՒՐԵՐ
19.11.2026 | 15:04
Աթենքի Ակրոպոլիսի թանգարանում կբացվի «Հին Հայաստան» ցուցահանդեսը․ կներկայացվի ավելի քան 200 ցուցանմուշ
19.11.2026 | 14:55
Սի Ցզինպինը միջուկային զենքից զերծ աշխարհի կոչ է արել
Բոլորը

Ադրբեջանցիների կողմից գերեվարված հայ զինծառայողների գնդակահարությունը, որի տեսանյութը տարածվել էր համացանցում, իրականացվել է Իշխանասարի դիրքերից մեկում՝ սեպտեմբերի 13-ին։ Սա արդեն հաստատված փաստ է՝ ասում է իրավապաշտպան Արտակ Զեյնալյանը։ Տեսանյութը դեռ շարունակում են ուսումնասիրել։

Նույնականացված երկու զինծառայողները պարտադիր ժամկետայիններ են եղել։ Ըստ իրավապաշտպանի՝ մյուսների նույնականացումն արդեն ավելի հեշտ կլինի, քանի որ պարզ է, թե որ դիրքում է դեպքը տեղի ունեցել։ Նույնականացման գործընթացի ավարտին նաև զեկույց կլինի։

Ադրբեջանը ոչ միայն զգուշանում է, այլև փորձում է հակաքայլեր անել։ Հարավային Կովկասի և Վրաստանում ճգնաժամի հարցերով Եվրամիության հատուկ ներկայացուցիչ Տոյվո Կլաարը, որը մինչ այս խոսում էր մեղավորներին պատասխանատվության ենթարկելու անհրաժեշտության մասին, ավելի ուշ նոր գրառմամբ նշեց, թե նոր տեսանյութեր է ստացել, այս անգամ՝ ադրբեջանական կողմից։

«Այսօր ինձ ուղարկվել են մի քանի տեսանյութ, որոնք, ըստ երևույթին, ցույց են տալիս ադրբեջանցիների դեմ կատարված ռազմական հանցագործությունները։ Նաև դրանք պետք է հետաքննվեն, և եթե իրական են, ապա հանցագործները պետք է պատասխանատվության ենթարկվեն: Հակամարտությունը երկու կողմերին էլ խորը վերքեր է թողել, և բուժելու համար անհրաժեշտ է պատասխանատվություն»,- գրել էր Կլաարը։

Տոյվո Կլաարի գրառմանն այսօր նաև ՀՀ հատուկ հանձնարարություններով դեսպան Էդմոն Մարուքյանն անդրադարձավ՝ անթույլատրելի համարելով պատերազմական հանցագործության զոհի և հանցագործի միջև հավասարության նշան դնելը։

Վերջին տեսանյութից բացի՝ կան նաև այլ ապացույցներ, որ Ադրբեջանը սպանել է առնվազն ևս երկու հայ գերիների՝ Դավիթ Գիշյանին և Շավարշ Մարգարյանին։ Բոլոր այս հանցագործություններն ապացուցելը, միջազգային ատյաններում Ադրբեջանին պատասխանատվության ենթարկելն իրականում բարդ ու երկարատև գործընթաց է, որին պետք է հասնել համառ ջանքերի շնորհիվ, ասում են իրավապաշտպանները։

Այսօր ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը նաև գրությամբ դիմել է ՆԱՏՕ-ի անդամ պետությունների իր գործընկերներին՝ ներկայացնելով Ադրբեջանի ԶՈւ-ի կողմից արված վայրագությունները հայ զինծառայողների նկատմամբ և կոչ արել ձեռնարկել համապատասխան քայլեր՝ նմանօրինակ անմարդկային գործողությունները դատապարտելու ուղղությամբ:

Սեպտեմբերի 13-ից հետո Ադրբեջանում հայտնված ռազմագերիների մասով միջպետական գանգատի շրջանակում Միջազգային իրավական հարցերով ՀՀ ներկայացուցչի գրասենյակն ապացույցներ է ներկայացրել Եվրոպական դատարան, բայց Ադրբեջանը ոչ միշտ է պատշաճ ներկայացնում դատարանի պահանջած տեղեկությունները պահվող գերիների մասին, ասում է գրասենյակի ղեկավարի տեղակալը։

Ադրբեջանը նաև չի կատարում իր ստանձնած պարտավորությունները։ Հերթական անգամ այս փաստն այսօր արձանագրել է Անվտանգության խորհրդի քարտուղար Արմեն Գրիգորյանը։ Նա այսօր տեղեկացրել է, որ սեպտեմբերի 27-ին ԱՄՆ նախագահ Ջո Բայդենի ազգային անվտանգության հարցերով խորհրդական Ջեյք Սալիվանի նախաձեռնությամբ Սպիտակ տանը տեղի ունեցած իր և Ադրբեջանի նախագահի օգնական Հիքմեթ Հաջիևի հանդիպման ժամանակ եռակողմ պայմանավորվածություն է ձեռք բերվել, որ մինչև սեպտեմբերի 30-ն Ադրբեջանն ազատ է արձակելու սեպտեմբերին գերեվարված 17 հայ ռազմագերիներին և չի պահել խոստումը:

Մանրամասները՝ տեսանյութում։

Սաթենիկ Հայրապետյան