25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Զախարովան կոչ է արել Բաքվին և Երևանին՝ ստուգել համացանցում տարածված մահապատիժների տեսագրությունը
Քաղաքականություն
03.10.2022 | 18:08
ՌԴ ԱԳՆ պաշտոնական ներկայացուցիչ Մարիա Զախարովան, ՌԻԱ Նովոստիի հետ զրույցում մեկնաբանելով ցանցում հայ զինվորների մահապատիժների տեսագրությունների հայտնվելը, կոչ է արել Ադրբեջանի և Հայաստանի իշխանություններին՝ անհապաղ վերլուծել պատերազմի նշանները։
«Այս տեսանյութերը լի են ծայրահեղ դաժանության կադրերով: Միջազգային մարդասիրական իրավունքի խախտման բոլոր դեպքերը պետք է մանրակրկիտ հետաքննվեն։ Մենք կոչ ենք անում Ադրբեջանի և Հայաստանի իշխանություններին՝ անհապաղ կատարել այս տեսանյութերի համապարփակ խորը վերլուծություն, այդ թվում՝ ռազմական հանցագործությունների նշանների համար։ Եթե փաստերը հաստատվեն, բոլոր մեղավորները պետք է պատասխանատվության ենթարկվեն օրենքի ողջ խստությամբ»,- ասել է Զախարովան:
Նրա խոսքով՝ Ռուսաստանը շարունակում է լուրջ ջանքեր գործադրել տարածաշրջանում իրավիճակը բարելավելու և Բաքվի ու Երևանի միջև հարաբերությունները կարգավորելու համար։
«Մենք ելնում ենք այն հանգամանքից, որ խաղաղությունն այլընտրանք չունի։ Մենք պատրաստ ենք կողմերին ցուցաբերել անհրաժեշտ օգնություն»,- ասել է ՌԴ ԱԳՆ պաշտոնական ներկայացուցիչը։
Հիշեցնենք, որ սոցցանցերում ադրբեջանցի զինծառայողների կողմից հայ ռազմագերիների մահապատժի տեսագրություններ են տարածվել։
Տաթև Ֆռանգյան
