06.11.2024 | 11:25
Սնուփ Դոգի պահանջով համերգի ամսաթվի մասին տեղեկությունները ներկա դրությամբ չեն կարող հրապարակայնացվել․ «Դոպինգ Սփեյս»
Կրեմլը չի կարողանում պատասխանել ՌԴ-ին բռնակցված Խերսոնի և Զապորոժիեի շրջանների սահմաններին վերաբերող հարցերին
Քաղաքականություն
03.10.2022 | 15:04
ՌԴ նախագահի խոսնակ Դմիտրի Պեսկովը փորձել է պարզաբանել, թե ի՞նչ սահմաններով է Ռուսաստանը պատրաստվում Ուկրաինայի գրավյալ Խերսոնի և Զապորոժիեի շրջանները միացնել իրեն, գրում է BBC-ի ռուսական ծառայությունը։
«Կա մասնակի պարզաբանում։ Ես ձեզ կասեմ պակաս իրավական լեզվով։ Դոնեցկն ու Լուգանսկը՝ 2014 թվականի սահմաններով։ Խերսոնի ու Զապորոժիեի դեպքում մենք շարունակում ենք խորհրդակցել այդ շրջանների բնակչության հետ»,-ասել է Պեսկովը։
Լրագրողները խնդրել են պարզաբանել՝ արդյո՞ք կա սահմաններ մասին հարցին միանշանակ պատասխան, ինչին Պեսկովն արձագանքել է․ «Դա է հիմա միանշանակ պատասխանը։ Մենք շարունակում ենք խորհրդակցել մարդկանց հետ, որոնք բնակվում են այդ շրջաններում»։
Իսկ հարցին՝ արդյո՞ք Ուկրաինայի կողմից վերահսկվող Խերսոնի և Զապորոժիեի շրջանները Ռուսաստանի տարածք են, Կրեմլի խոսնակը հրաժարվել է պատասխանել. «Այժմ ավելացնելու ոչինչ չունեմ»։
Նա չի կարողացել պատասխանել նաև հարցին, թե ի՞նչ ձևով կշարունակվի սահմանների հարցի «քննարկումը» Խերսոնի և Զապորոժիեի շրջանների բնակչության հետ։
Էմմա Չոբանյան
