17.12.2025 | 18:50
Սուրեն Պապիկյանի հրամանով տարածքային պաշտպանության զորքերի հրամանատարությանը հանձնվել է մարտական դրոշ
ԵՄ-ում գնահատել են երկու տարում կազմակերպությանն Ուկրաինայի անդամակցության հնարավորությունները
Քաղաքականություն
03.10.2022 | 14:38
Երկու տարի անց Եվրամիությանն անդամակցելու՝ Ուկրաինայի հավակնությունը «լավատեսական է, եռանդուն և վճռական»: Korreapondent-ի փոխանցմամբ՝ այս մասին հայտարարել է դեսպան Մատի Մաասիկասը՝ գնահատելով ԵՄ-ին երկրի անդամակցության հեռանկարները։
Այս կերպ եվրոպացի դիվանագետն արձագանքել է Ուկրաինայի վարչապետ Դենիս Շմիգալի հայտարարությանը, թե Կիևը հույս ունի երկու տարում անցնել ԵՄ-ին անդամակցելու ճանապարհը։
«Սա լավատեսական է, եռանդուն և վճռական: Եվ դա այնպես է, ինչպես կցանկանայինք մենք: ԵՄ ընդլայնումը ձեռքբերումների վրա հիմնված գործընթաց է: Անելիքների ճնշող մեծամասնությունը կախված է թեկնածու երկրից»,- ասել է նա:
Մաասիկասի խոսքով՝ ԵՄ թեկնածուի կարգավիճակ ստանալուց հետո Ուկրաինան պետք է իր «տնային աշխատանքը» կատարի Եվրամիության օգնությամբ։
Տաթև Ֆռանգյան
