27.02.2026 | 18:18
Օջալանը նոր ուղերձ է հղել՝ նշելով, որ խաղաղության գործընթացում անհրաժեշտ են օրենքներ
Պուտինի կողմից մոբիլիզացիայի սխալների ընդունումը ցույց է տալիս խնդրի մասշտաբները․ Բրիտանական հետախուզություն
Քաղաքականություն
03.10.2022 | 14:07
Մեծ Բրիտանիայի ռազմական հետախուզությունը, մեկնաբանելով ՌԴ նախագահ Վլադիմիր Պուտինի սեպտեմբերի 29-ի հայտարարությունը մոբիլիզացիայի ժամանակ սխալների մասին, որոնք պետք է շտկել, զարմանք է հայտնել Պուտինի կողմից առաջացած խնդիրների «անսովոր արագ» ճանաչմամբ, գրում է BBC-ի ռուսական ծառայությունը։
Ըստ բրիտանական հետախուզության՝ դա ընդգծում է, թե որքան անկազմակերպ է եղել առաջին շաբաթվա ընթացքում մոբիլիզացիան։ Պաշտոնյաները, հավանաբար, չգիտեն, մոբիլիզացիոն արշավի ճշգրիտ մասշտաբն ու իրավական հիմքը, այդ պատճառով հավաքել են կադրեր, որոնք չեն ընկնում ՌԴ ՊՆ-ի ու Պուտինի հայտարարած սահմանումների մեջ։
Հիմա էլ, երբ զորակոչված պահեստազորայինները շարունակում են հավաքվել վրաններով տարանցիկ ճամբարներում, իշխանությունները ջանում են զորակոչիկների համար ուսուցում ապահովել և սպաներ գտնել՝ նոր ստորաբաժանումները ղեկավարելու համար:
Հավելենք, որ սեպտեմբերի 29-ին Պուտինը հայտարարել էր, որ պետք է շտկել բոլոր սխալները, որոնք կատարվել են մոբիլիզացիայի ժամանակ ու թույլ չտալ դրանք հետագայում։ Նա օրինակ էր բերել բազմազավակ հայրերին, քրոնիկ հիվանդություններ ունեցողներին և նրանց, որոնք արդեն զորակոչային տարիքից մեծ են։
Էմմա Չոբանյան
