09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ադրբեջանն առաջարկել է սահմանազատման հարցով հաջորդ նիստն անցկացնել նախատեսվածից շուտ․ՌԻԱ
Քաղաքականություն
03.10.2022 | 11:24
Ադրբեջանի արտգործնախարար Ջեյհուն Բայրամովը Ժնևում ՀՀ արտգործնախարար Արարատ Միրզոյանի հետ հանդիպման ժամանակ առաջարկել է սամանազատման հարցով հանձնաժողովի հաջորդ նիստն անցկացնել հոկտեմերին, այլ ոչ թե նոյեմբերին, ինչպես ավելի վաղ համաձայնեցվել էր, գրում է ՌԻԱ Նովոստին։
«Հանդիպման ընթացքում ադրեջանական կողմը , հաշվի առնելով չսահմանազատված սահմանի հատվածում վերջերս գրանցված լարվածությունը, առաջարկել է սահմանազատման հարցով հաջորդ նիստն անցկացնել այս տարվա հոկտեմբերին՝ նոյեմբերի փոխարեն, ինչպես ավելի վաղ համաձայնեցվել էր»,-ասվում է Ադրբեջանի ԱԳՆ հայտարարության մեջ։ Արդյո՞ք նման առաջարկ եղել է, կամ արդյո՞ք հայկական կողմն ընդունել է այն․ ՀՀ ԱԳՆ-ի տարածած հաղորդագրության մեջ չի նշվում։ Այդուհանդերձ, չնայած ադրբեջանական կողմի պնդումներին, թե վերջին մարտական գործողությունները գրացվել են չսահամանազատված հատվածում՝ պաշտոնական Երևանը միջազգային հանրությանը բազմաթիվ ապացույցներ է ներկայացրել առ այն, որ սեպտեմբերի 13-ի ագրեսիան Բաքուն իրականացրել է ՀՀ ինքնիշխան տարածքում՝ հրետանային և հրթիռային հարվածներ հասցնելով նաև խաղաղ բնակավայրերին։
Տաթև Ֆռանգյան
