03.11.2026 | 12:03
Ռուբինյանը Մեքսիկայի դեսպանի հետ քննարկել է երկկողմ համագործակցության ընդլայնման հարցեր
«Վերին Լարսի» անցակետում զորահավաքի ավելի քան 180 ծանուցագիր է հանձնվել
Քաղաքականություն
02.10.2022 | 18:36
Ռուս-վրացական սահմանի «Վերին Լարսի» անցակետում զինկոմիսարիատի աշխատակիցները սահմանը հատել ցանկացող տղամարդկանց մասնակի զորահավաքի ավելի քան 180 ծանուցագիր են հանձնել: Այս մասին «Ինտերֆաքս»-ին հայտնել է Հյուսիսային Օսիայի զինկոմիսարի տեղակալ Աբրիլ Աբդուլաևը:
Նրա խոսքով ՝ ծանուցագրերը հանձնվել են զինկոմիսարիատի շարժական հսկիչ կետում։
Ավելի վաղ հաղորդվել էր, որ «Վերին Լարս» անցակետով Վրաստան մեկնել ցանկացողների ներհոսքի պատճառով հանրապետության ճանապարհներին բազմակիլոմետրանոց հերթեր են գոյացել:
Տարածաշրջանում սահմանվել է բարձր պատրաստականության ռեժիմ, որը սահմանափակում է տարածք մարդատար ավտոմեքենաների մուտքը: Միջոցառումը չի տարածվում Հյուսիսային և Հարավային Օսիայի և Վրաստանի բնակիչների, ինչպես նաև նրանց վրա, ովքեր մեկնում են տարածաշրջան հանգստանալու և համապատասխան փաստաթղթեր ունեն:
«Վերին Լարսի» և տարածաշրջանային մուտքերի մոտ շարժական օպերատիվ խմբեր են տեղակայված՝ կազմված զինկոմիսարիատների և գործադիր իշխանության ներկայացուցիչներից։ Նրանք ծանուցագրեր են բաժանում պահեստազորայիններին, ներառյալ նրանց, ովքեր հաշվառված են երկրի այլ շրջաններում։
