12.12.2024 | 21:00
54 սպանված, 550 կալանավորված, պատանդառված ու անհետ կորած լրագրողներ․ RSF-ը հրապարակել է 2024 թվականի զեկույցը
«Դուրս ՀԱՊԿ»-ից նախաձեռնող խումբը՝ ԱԺ-ում կայացած հանդիպման մասին
Քաղաքականություն
30.09.2022 | 22:34
«Դուրս ՀԱՊԿ»-ից համախմբման նախաձեռնող խումբն այսօր հանդիպել է ԱԺ ազգային անվտանգության, պաշտպանության և ներքին գործերի մշտական հանձնաժողովի նախագահ Անդրանիկ Քոչարյանի հետ։ Այս մասին տեղեկանում ենք նախաձեռնության ֆեյսուքյան էջում հրապարակված հաղորդագրությունից։
Նշվում է, որ նախաձեռնության անդամները հանձնաժողովի նախագահին են ներկայացրել հանրային տրամադրությունները և մտահոգությունները՝ կապված ՀԱՊԿ-ում Հայաստանի հետագա անդամակցության հետ: Վերջին երկու տարիներին Հայաստանի Հանրապետության ինքնիշխան տարածքի նկատմամբ Ադրբեջանի ագրեսիայի նկատմամբ այդ կառույցի անհորդ կեցվածքն ավելի է խորացնում Հայաստանի անվտանգային սպառնալիքները։
Նախաձեռնության անդամները կարևորել են ՀՀ անվտանգային համակարգի հավասարակշռման, նոր գործընկերների հետ անվտանգային հարցերում հարաբերությունների հաստատումը, զարգացումն ու խորացումը, ինչպես նաև, այդ համատեքստում ի երևան եկած նոր հնարավորությունների օգտագործումը։ Ջերմ, փոխըմբռնման մթնոլորտում մտքեր փոխանակվեցին նաև Հայաստանի անվտանգային հիմնախնդիրներին առնչվող այլ՝ հրատապություն պահանջող հարցերի շուրջ։
