20.11.2024 | 16:19
Էրդողանը ճիշտ չի համարում ՌԴ-ին ATACMS հրթիռներով հարվածելու՝ Բայդենի թույլտվությունը
Կան մարմիններ, որոնք պետք է վերջնական նույնականացվեն․Փաշինյանը՝ նահատակների անունները չհրապարակելու մասին․ ՏԵՍԱՆՅՈւԹ
Քաղաքականություն
30.09.2022 | 20:17
«44-օրյա պատերազմի փորձը հաշվի առնելով՝ եկել ենք եզրակացության, որ ճիշտ է զոհվածների, մեր նահատակների անունները ինստիտուցիոնալ նախատեսված մեխանիզմով հրապարակել»,- Հանրային հեռուստաընկերության եթերում հարցազրույցի ընթացքում այս մասին նշեց ՀՀ վարչապետ Նիկոլ Փաշինյանը՝ պատասխանելով հարցին, թե ինչու չեն հրապարակվում ադրբեջանական վերջին ագրեսիայի ընթացքում զոհված զինծառայողների անունները։
«Դա Զինծառայողների ապահովագրության հիմնադրամում արձանագրվող ցուցակն է, և անունները հրապարակվում են այնտեղ։ 44-օրյա պատերազմում զոհերի անունները նույնպես հրապարակվել են այնտեղ», – նշեց Փաշինյանը։
Վարչապետի խոսքով՝ զոհերի ցանկն ամբողջական չհրապարակելը չի նշանակում, թե դա գաղտնի է պահվում․ «Նույնականացված զոհերի ընտանիքները տեղեկացված են»։
«Հաշվի առնենք, որ կան մարմիններ, որոնք պետք է վերջնական նույնականացվեն, – նշեց Փաշինյանը։ -Նախկին փորձը հաշվի առնելով` գիտենք, որ, ցավոք, դեպքեր են եղել, երբ սխալ անուններ են հրապարակվել: Նույնիսկ եղել է դեպք, երբ հարազատները ճանաչել են վիզուալ, բայց հետո ԴՆԹ նույնականացմամբ այլ բան է պարզվել: Նման թյուրիմացություններից խուսափելու համար կա գործող օրենքով սահմանված ինստիտուցիոնալ մեխանիզմ, և այն պետք է հրապարակի այն դեպքերը, որոնք դե յուրե հաստատվել են»։
Մանրամասն՝ տեսանյութում։
