09.10.2026 | 15:23
ԱԱԾ-ն հերքում է Մեղրիում ադրբեջանցիների լինելու լուրը // Ադրբեջաներեն երգ՝ Փաշինյանի տեսանյութում․ ԼՈՒՐԵՐ
Եվրոպայում բջջային հեռախոսները կարող են անջատվել աշտարակներից՝ ձմռանը էլեկտրաէներգիայի պակասի պատճառով․ Reuters
Քաղաքականություն
29.09.2022 | 21:54
Ամբողջ Եվրոպայում բջջային հեռախոսները առաջիկա ձմռանը կարող են անջատվել հեռուստաաշտարակներից՝ էլեկտրաէներգիայի պակասի պատճառով: Այս մասին գրում է Reuters-ը։
Գործակալությունը, վկայակոչելով հեռահաղորդակցության ընկերությունների չորս ղեկավարների, հայտնում է, որ ներկայում եվրոպական մի շարք երկրներում չկան բավարար պահեստային համակարգեր՝ էլեկտրաէներգիայի զանգվածային անջատումներին դիմակայելու համար, ինչը մեծացնում է բջջային հեռախոսների անջատումների հավանականությունը:
Եվրոպական միության երկրները՝ ներառյալ Ֆրանսիան, Շվեդիան, Իտալիան և Գերմանիան, փորձում են ապահովել կապի մատակարարման շարունակականությունը, եթե անգամ դա հանգեցնի հազարավոր բջջային ալեհավաքների վրա տեղադրված պահեստային մարտկոցների սպառման։
Եվրոպայում կա շուրջ կես միլիոն հեռահաղորդակցման աշտարակ, և դրանցից շատերն ունեն պահեստային մարտկոցներ, որոնք կարող են ապահովել մոտ 30 րոպե բջջային ալեհավաքների աշխատանքը:
Ավելի վաղ Ուկրաինան հայտարարել էր, որ կարող է ինը անգամ ավելացնել էլեկտրաէներգիայի արտահանումը Եվրոպա։
Տաթև Ֆռանգյան
