28.06.2026 | 03:11
ԱԱ-2026. Անգլիան ու Խորվաթիան հաղթեցին և կխաղան փլեյ-օֆֆում. ՏԵՍԱՆՅՈՒԹ
3 զինվորի կյանք խլած սադրանքը երեկ գրանցվել է Ջերմուկի ուղղությամբ
29.09.2022 | 15:20
Ադրբեջանը երեկվա սադրանքը, որի հետևանքով հայկական կողմը 3 զոհ ունի, գրանցվել է Ջերմուկի ուղղությամբ։ Factor.am-ի տեղեկություններով`հրադադարի խախտումներ են արձանագրվել ոչ միայն Ջերմուկի, այլև Սոթքի դիրքերի ուղղությամբ։
Հիշեցնենք՝ ՊՆ-ն երեկ հայտնել էր, որ ժամը 18:00-ից սկսած, ականանետների և խոշոր տրամաչափի հրաձգային զինատեսակների կիրառմամբ, ադրբեջանական կողմը կրակ է բացել հայ-ադրբեջանական սահմանի արևելյան ուղղությամբ տեղակայված մարտական դիրքերի ուղղությամբ: Ադրբեջանական սադրանքի հետևանքով հայկական կողմը 3 զոհ ունի: Ավելի ուշ ՊՆ մամուլի խոսնակ Արամ Թորոսյանը հայտնեց, որ ժամը 22:00-ի դրությամբ իրադրությունը հայ-ադրբեջանական սահմանին հարաբերականորեն կայունացել է: Այսօր ժամը 11.00-ի դրությամբ էլ, ըստ պաշտոնական տեղեկությունների, հայ-ադրբեջանական սահմանին իրադրության փոփոխություն չի արձանագրվել:
Արփի Հակոբյան
