27.07.2026 | 15:58
Լիտվան ցանկանում է երկրում ելույթ ունեցող ռուս արտիստներին պարտավորեցնել՝ հակապատերազմական հռչակագիր ստորագրեն
Կրեմլում վաղը կստորագրեն ուկրաինական օկուպացված շրջանները ՌԴ-ին միացնելու համաձայնագրերը
Քաղաքականություն
29.09.2022 | 15:24
Ռուսաստանի վերահսկողության տակ գտնվող Ուկրաինայի տարածքները ՌԴ կազմում ներառելու պայմանագրերի ստորագրման արարողությունը նախանշված է վաղը՝ Մոսկվայի ժամանակով 15։00-ին։ Այս մասին լրագրողներին հայտնել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
«Վաղը ժամը 15։00-ին Կրեմլի Գեորգևյան դահլիճում տեղի կունենա նոր տարածքների՝ ՌԴ կազմ մտնելու պայմանագրերի ստորագրման արարողությունը։ Միջոցառմանը նախատեսվում է նախագահ Պուտինի ծավալուն ելույթը։ Դա Դաշնային խորհրդին ուղղված ուղերձ չէ, կարևոր է չշփոթելը։ Սա ուրիշ ձևաչափ է, նախագահի ուղերձը լինելու է ավելի ուշ»,- ասել է Պեսկովը։
Նա պարզաբանել է, որ Կրեմլում արարողության ժամանակ Ռուսաստանի կազմում ընդունվելու են չորս նոր տարածքներ։
Պեսկովը նաև նշել է, որ արարողության ընթացքում Պուտինը հանդիպելու է Դոնեցկի և Լուգանսկի ինքնահռչակ հանրապետությունների, ինչպես նաև Զապորոժիեի և Խերսոնի շրջանի ղեկավարների հետ։
Էմմա Չոբանյան
