16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Ադրբեջանում 99 քաղբանտարկյալ կա․ իրավապաշտպաններ
Քաղաքականություն
29.09.2022 | 23:30
Ադրբեջանում թարմացրել են քաղբանտարկյալների ցուցակը, որում ներառված է 99 քաղաքացի, գրում են տեղական լրատվամիջոցները։
Մասնավորապես, «Ադրբեջանի քաղբանտարկյալների ազատության» միությունը թարմացրել է ցուցակը, որը կազմվել է Խաղաղության և ժողովրդավարության ինստիտուտի տնօրեն Լեյլա Յունուսի և Քաղբանտարկյալների մոնիթորինգի կենտրոնի ղեկավար Էլշան Հասանովի կողմից։ Ցուցակում 99 մարդու անուն է ներառված։ Այն կազմողներն օգտագործել են ԵԽԽՎ սահմանած «քաղբանտարկյալ» հասկացության չափանիշները։
Նախորդ ցուցակը հրապարակվել էր 2022 թվականի հունիսի 6-ին և պարունակում էր 100 անուն։
Էլշին Հասանովը նշել է, որ ցուցակում նոր անուներ են հայտնվել՝ կրոնական ակտիվիստ Ֆագան Մամեդովը և Աբիդ Գաֆարովը։ Մամեդովը 6 տարվա ազատազրկման է դատապարտվել թմրանյութերի ապօրինի շրջանառության համար։ Նա Բաքվից Գանձակ է տարել կրոնական կարգախոսներով վերնաշապիկներ՝ Աշուրայի արարողության համար։
Գաֆարովը մեկ տարվա ազատազրկման է դատապարտվել՝ Արցախյան պատերազմի մասնակիցներին անարդարության դեմ բողոքի կոչեր անելու համար։
Ցուցակից դուրս են մնացալ ազատ արձակված աստվածաբան Էլշան Մուսթաֆօղլուն, «Մուսուլմանական միասնություն» շարժման անդամ Թեյմուր Օսմանովը, որն արդեն կրել է իր պատիժը, և բանտում մահացած Էլշադ Մուսթաֆաևը։
Քաղբանտարկյալները բաժանվում են 6 խմբի։ Առաջին խումբ՝ լրագրողներ ու բլոգերներ, որում ընդգրկված է 4 մարդ, երկրորդ խումբ՝ ընդդիմադիր կուսակցությունների և շարժումների անդամներ՝ 4 մարդ, երրորդ խումբ՝ Գերմանիայից արտաքսված քաղաքական էմիգրանտներ՝ 5 մարդ, չորրորդ խումբ՝ հավատացյալներ՝ 19 մարդ, Տերտերի գործով դատապարտվածներ՝ 27 մարդ, հինգերորդ խումբ՝ Գյանջայի գործով դատապարտվածներ՝ 27 մարդ, վեցերորդ խումբ՝ ցմահ դատապարտյալներ՝ 13 մարդ։
Էմմա Չոբանյան
