25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Իտալիան պատրաստ է ջեռուցման սեզոնն անցկացնել առանց ռուսական գազի․ Bloomerg
Քաղաքականություն
28.09.2022 | 21:48
Իտալիան հայտարարել է, որ պատրաստ է ջեռուցման սեզոնն անցկացնել առանց ռուսական գազի՝ Աֆրիկայում անհրաժեշտ պաշարները գնելուց հետո, գրում է Bloomberg-ը։
Նշվում է, որ երկիրը բավարար ծավալներով գազ է ստացել Հյուսիսային Աֆրիկայից և առաջիկա ձմռանը կկարողանա փոխհատուցել ցանկացած պակասուրդ, նույնիսկ եթե Ռուսաստանն ամբողջությամբ դադարեցնի արտահանումը։
Աղբյուրի համաձայն՝ նախկին վարչապետ Մարիո Դրագին «շրջել է աշխարհով մեկ՝ ապահովելու գազի մատակարարումը և պաշտպանելու Իտալիան Ռուսաստանից մատակարարման հնարավոր խափանումներից, ինչը ճնշում է Եվրամիության նկատմամբ»։
Ակնկալվում է, որ Ալժիրից Իտալիա արտահանումը կկրկնապատկվի 2024 թվականին՝ հասնելով տարեկան 18 միլիարդ խորանարդ մետրի, մինչդեռ Եգիպտոսից հեղուկ գազի ներմուծումը կավելանա մինչև տարեվերջ՝ համապատասխանեցնելով Ռուսաստանից ներկայում առաքվող ծավալին: Նշվում է նաև, որ Ալժիրից և Եգիպտոսից գազի մատակարարումների ավելացումը կկարողանա ծածկել Ռուսաստանից մնացած մատակարարումները։
Ներկայում ռուսական գազը կազմում է Իտալիայի ներմուծման ծավալի մոտ 10%-ը՝ մինչև Ուկրաինա Ռուսաստանի ներխուժման շրջանի մոտ 40%-ի դիմաց:
Հիշեցնենք, որ հուլիսին Իտալիայի իշխանությունները հայտարարել էին մինչև 2024 թվականը ռուսական գազի մատակարարումից ամբողջությամբ հրաժարվելու մտադրության մասին։
Տաթև Ֆռանգյան
