25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Գրիգորյան-Հաջիև հանդիպում ԱՄՆ-ում․ Ֆրանսիայից պատվիրակներ կգան՝ ՀՀ սահմանի վիճակը գնահատելու․ Լուրեր
Քաղաքականություն
28.09.2022 | 13:33
- ԱՄՆ նախագահի Ազգային անվտանգության հարցերով խորհրդական Ջեյք Սալիվանի նախաձեռնությամբ Սպիտակ Տանը տեղի է ունեցել ՀՀ ԱԽ քարտուղար Արմեն Գրիգորյանի և Ադրբեջանի նախագահի օգնական Հիքմեթ Հաջիևի հանդիպումը։ Գրիգորյանը հայտնել է, որ քննարկել են ԼՂ հիմնախնդրի երկարաժամկետ խաղաղ կարգավորման գործընթացը, ինչպես նաև տարածաշրջանում խաղաղության հաստատման անհրաժեշտությունը։ Կարևորվել է վերջին ագրեսիայի հետևանքների վերացումը։ Սալիվանն էլ տեղեկացրել է, որ քննարկել են հետագա բռնությունից խուսափելու և ժամկետներով ու կենտրոնացված բանակցություններ վարելու կարևորությունը։
- Ֆրանսիայից հրատապ կարգով պատվիրակություն կգործուղվի Հայաստան՝ սահմանային իրավիճակը գնահատելու համար։ Այս մասին ՀՀ ՊՆ Սուրեն Պապիկյանի հետ հանդիպումից հետո հայտնել է Ֆրանսիայի պաշտպանության նախարար Սեբաստիան Լեկորնոն։ Նա նաև ասել է, որ ռազմական գործողությունները պետք է դադարեցվեն և ադրբեջանական զորքերը վերադառնան իրենց նախնական դիրքեր։
- Երկրորդ նախագահ Ռոբերտ Քոչարյանն այսօրվա ասուլիսին հայտարարել է, որ վարչապետի ելույթը ՄԱԿ-ում «Խաղաղության դարաշրջան»-ի հոգեհանգստի ելույթ էր։ Միաժամանակ Քոչարյանն ասել է, որ պատրաստ է Նիկոլ Փաշինյանի հետ քննարկումների, և հարց է ուղղել իշխանությանը, թե ինչու մինչև հիմա լուրջ բնահիծ չեն կառուցել։
Այս ժամի լուրերը՝ տեսանյութում։
