Քաղաքականություն
28.09.2022 | 14:04
Ղրղզա-տաջիկական սահմանին բախումների հետևանքով զոհերի թիվն աճել է՝ հասնելով 63-ի։ Այս մասին հայտնում է Ղրղզստանի ԱԻՆ-ը, գրում է Ինտերֆաքսը։
«Ղրղզա-տաջիկական սահմանին հակամարտության հետևանքով Բատկենի ու Լեյլեկի շրջաններում գնդակոծությունների հետևանքով զոհվել է Ղրղզստանի 63 քաղաքացի»,- ասվում է ԱԻՆ հաղորդագրության մեջ։
Նշվում է, որ զոհերից 50-ը զինծառայող են, 13-ը՝ խաղաղ բնակիչ, 195 մարդ վիրավորում է ստացել։
Հավելենք, որ Ղրղզստանի և Տաջիկստանի սահմանին զենքի կիրառմամբ հակամարտությունը սկսվել է սեպտեմբերի 14-ին։ Այն հանգեցրել է զոհերի։ Կողմերը միմյանց են մեղադրում զինված ագրեսիայի մեջ։
Ղրղզստանի իշխանությունները հայտնել են, որ հակամատության գոտուց ավելի քան 142,000 մարդ է տարհանվել։
Էմմա Չոբանյան
