18.08.2026 | 21:12
Ապօրինի ձեռնարկատիրության դեպք է բացահայտել․ առգրավվել է մեծ քանակի կեղծ խմիչք. ՆԳՆ
Լատվիան ՌԴ-ին սահմանակից շրջաններում արտակարգ դրություն է հայտարարել
Քաղաքականություն
28.09.2022 | 11:26
Ռուսաստանում հայտարարված «մասնակի մոբիլիզացիայի» ֆոնին Լատվիայի կառավարությունը արտակարգ դրություն է հայտարարել Ռուսաստանի Դաշնությանը սահմանակից շրջաններում։ Արտակարգ միջոցառումներն ուժի մեջ կմտնեն չորեքշաբթի օրը՝ սեպտեմբերի 28-ին, երեք ամիս ժամկետով, ասվում է երկրի կառավարության կայքում հրապարակված մամուլի հաղորդագրությունում։
Համաձայն փաստաթղթի՝ արտակարգ դրություն է մտցվել Ալուկսնեի, Բալվիի և Լուձայի շրջանների տարածքում, ինչպես նաև նավահանգիստներում, օդանավակայաններում, սահմանային անցակետերում և երկաթուղային կայարաններում։ Զեկույցում նշվում է, որ այս պահին ռուս-լատվիաական սահմանին իրավիճակը կայուն է, հանգիստ և խստորեն վերահսկվում է։
«Սահմանն արդեն ուժեղացված հսկողության տակ է, որպեսզի կանխվեն անօրինական հատելու փորձերը: Այնուամենայնիվ, վտանգ կա, որ միգրանտների թիվը կարճ ժամանակում կարող է աճել։ Անհրաժեշտ է սահմանին արտակարգ դրություն հայտարարել, որպեսզի սահմանապահներից բացի հնարավոր լինի շտապ լրացուցիչ ուժեր ներգրավվեն ոստիկանությունից, պետական անվտանգության ծառայությունից և ազգային զինված ուժերից։ Պետք է նախօրոք նախազգուշական միջոցներ ձեռնարկել՝ չսպասելով իրավիճակի սրմանը», – ասել է Լատվիայի ՆԳ նախարար Քրիստապս Էկլոնսը։
Հիշեցնենք, որ ՌԴ-ում մասնակի մոբիլիզացիա հայտարարելուց հետո կտրուկ աճել է զորակոչային տարիքի ռուսաստանցիների արտահոսքը հարևան երկրներ։
Տաթև Ֆռանգյան
