16.09.2026 | 11:22
«Արարատ-Արմենիան» մեկնարկում է Եվրոպա լիգայի հիմնական փուլում
«Ի՞նչ է ռուսական բանակը, եթե ոչ այս կալոշը․ չենք կարող սրա տրամաբանությամբ մեր բանակը արդիականացնել»․ Արման Բաբաջանյան․ ՏԵՍԱՆՅՈՒԹ
Քաղաքականություն
26.09.2022 | 17:31
ՀՀ ԱԳ նախարարության շենքի մոտ մի շարք քաղաքական և հասարակական ուժերի ներկայացուցիչներ կազմակերպել են հավաք՝ Հայաստանի անդամակցությունը ՀԱՊԿ-ում դադարեցնելու պահանջով:
«Առնվազն հինգ պայմանագիր կարող եմ վկայաբերել, որոնք չեն գործում, բացառապես այն պատճառով, որ Ռուսաստանը հարկ չի համարում կատարել իր դաշնակցային պարտավորություննեը»,- իր ելույթում նշեց «Հանուն հանրապետության» կուսակցության առաջնորդ Արման Բաբաջանյանը՝ թվարկելով, թե ինչ փոխգործակցության պայմանագրեր են կնքվել ՀՀ-ի և ՌԴ-ի միջև։
Նրա դիտարկմամբ՝ անհրաժեշտ է դադարեցնել ՀԱՊԿ անդամակցությունը և ՀԱՊԿ-ից դուրս գալուն զուգահեռ անհրաժեշտ է այս պայմանագրերը գործարկելուն ուղղված քայլեր ձեռնարկել, միաժամանակ ռազմավարական դաշնակցային հարաբերությունների սկիզբ դնել այն երկրների հետ, ովքեր այս պահին ձեռք են մեկնել Հայաստանին և սպասում են պատասխանի։
Բացի դրանից, ըստ Բաբաջանյանի, այս պահից ի վեր Հայաստանը պետք է ճանաչի Ուկրաինայի տարածքային ամբողջականությունը։
«Հայաստանը կարիք ունի արդիականացնելու Զինված ուժերը,- ընդգծեց Բաբաջանյանը։- Ի՞նչ է ռուսական բանակը, եթե ոչ այս կալոշը․ չենք կարող սրա տրամաբանությամբ մեր բանակը արդիականացնել, անհրաժեշտ է համագործակցել այն զարգացած երկրների հետ, որոնք ձեռք են մեկնել մեզ»։
Մանրամասները՝ տեսանյութում։
