15.12.2025 | 17:20
«Լեսթերի» ֆուտբոլիստի գոլը 60 մետրից․ ՏԵՍԱՆՅՈՒԹ
ՌԴ օդանավակայաններում ստացվել են մոբիլիզացիայի ենթակա անձանց ցուցակները․ ԶԼՄ-ներ
Քաղաքականություն
26.09.2022 | 17:18
ՌԴ «Պուլկովո» օդանավակայանում զինվորական կոմիսարիատներից ստացվել են մասնակի մոբիլիզացիայի ենթակա անձանց ցուցակները, հայտնում է Fontanka-ն՝ հղում անելով իր աղբյուրներին։ Ցուցակներում ընդգրկվածներին մերժում են հատել սահմանը և ուղարկում զինկոմիսարիատներ, գրում է BBC-ի ռուսական ծառայությունը։
Միաժամանակ, նշվում է, որ ոչ ոքի չեն ձերբակալում։
The Bell-ին ավիաոլորտի չորս աղբյուր էլ հայտնել է, որ ցուցակներ են ստացվել օդանավակայանների սահմանային անցակետերում, այդ թվում՝ Մոսկվայում, մոբիլիզացվելու համար։ Նրանք արդեն ստուգում են զինվորական տարիքի տղամարդկանց, ոմանց արգելվում է դուրս գալ երկրից։ Աղբյուրները նշել են, որ խոսքը ոչ բոլորի մասին է, այլ նրանց, որոնց անունները կան մոբիլիզացիոն ծանուցումներում։
Զրուցակիցներից մեկն ասել է, որ կոնկրետ քաղաքացու ելքի արգելքի մասին տեղեկատվությունը մտնում է սահմանային հսկողության «ՄԻՐ» ընդհանուր տեղեկատվական համակարգ։ Բազան թարմացվում է շատ արագ՝ շուրջ երկու ժամը մեկ, զինկոմիսարիատներից արգելքները գալիս են մաս-մաս, իսկ տարբեր շրջաններում դա տեղի է ունենում տարբեր արագությամբ։
Էմմա Չոբանյան
