25.06.2026 | 21:55
Աջապահյանը չարդարացվեց, բայց ազատվեց տնային կալանքից․ առաջին ատյանի դատավճիռը «ոչ պատշաճ» է ճանաչվել. ՏԵՍԱՆՅՈՒԹ
Ռուսաստանի և ԱՄՆ դեսպանների միջև շփումները ավելի քիչ ինտենսիվ կլինեն․ՌԴ ԱԳ փոխնախարար
Քաղաքականություն
26.09.2022 | 19:24
ԱՄՆ-ի և ՌԴ-ի միջև դեսպանների միջոցով շփումները, ամենայն հավանականությամբ, նախկինի պես ինտենսիվ չեն լինի, բայց կապի ուղիները պետք է աշխատեն, Մոսկվան սրման չի գնա։ Նման հայտարարությամբ է հանդես եկել ՌԴ ԱԳ փոխնախարար Սերգեյ Ռյաբկովը, գրում է ՌԻԱ Նովոստին։
«Երկու մայրաքաղաքներում էլ դեսպանների միջև շփումները, հավանաբար, այնքան ինտենսիվ չեն լինի, որքան Վաշինգտոնի հետ մեր երկխոսության նախորդ փուլերում, բայց դա հետևանք է օբյեկտիվ ընթացիկ գործընթացների։ Մենք գտնում ենք, որ հաղորդակցման ալիքները, իհարկե, պետք է աշխատեն։ Մենք երբեք սրման չենք գնում»,- ասել է Ռյաբկովը ռուսական «Առաջին ալիքի» եթերում։
Հավելենք, որ ԱՄՆ նախագահ Ջո Բայդենը ՌԴ-ում նոր դեսպանի պաշտոնում առաջադրել է ՀՀ-ում ԱՄՆ դեսպան Լին Թրեյսիին։
Էմմա Չոբանյան
