09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ՌԴ-ն զրահափոխադրիչ է ուղարկել Վրաստանի հետ սահմանային անցակետ. ՏԵՍԱՆՅՈՒԹ
Քաղաքականություն
26.09.2022 | 16:30
Ռուսաստանի ԱԴԾ-ն զրահափոխադրիչներ է ուղարկել Հյուսիսային Օսիայի Վերին Լարսի՝ Վրաստանի հետ սահմանային անցակետ։ Այս մասին հայտնում է РБК-ն՝ հղում անելով Հյուսիսային Օսիայի ԱԴԾ սահմանային վարչությանը։
«Զրահափոխադրիչները շարժվում են այնտեղ, սակայն չեն գնում՝ անցակետ տեղադրելու համար, դա, կոպիտ ասած, ռեզերվային քայլ է անկանխատեսելի դեպքերի համար, եթե պահեստազորայինները ցանկանան ճեղքել անցակետը և առանց սահմանային որևէ ձևակերպում իրականացնելու հեռանալ երկրից։ Միայն այդ նպատակով»,- հայտնել են սահմանապահ վարչությունում։
Նրանք նշել են, որ անցակետը գործել է սովորական ռեժիմով։
«Զինվորական տարիքի արական սեռի քաղաքացիների ելքի որևէ սահմանափակում չի դրվել»,- հավելել են ԱԴԾ-ում:
Ավելի վաղ՝ սեպտեմբերի 26-ին, բլոգեր Նիկոլայ Լևշիցը հայտնել էր, որ ռուս զինծառայողները Վերին Լարս են ժամանել զրահափոխադրիչներով։ Անդրադառնալով ականատեսներին՝ Լևշիցը նշել է, որ «սահմանային անցակետի մոտ զինվորական անցակետ է տեղադրվում»։
«Դոժդ» հեռուստաալիքն էլ հրապարակել է լուսանկարներ և տեսանյութեր, որտեղ զինվորական համազգեստով մարդիկ զրահափոխադրիչով անցնում են հերթի մեջ կանգնած մեքենաների կողքով։
Լարսի անցակետում նկարահանված տեսանյութը՝ այստեղ։
Տաթև Ֆռանգյան
