09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Նոր ձևաչափեր կփնտրենք՝ երկու երկրների համար ռազմավարական հարցերի լուծումներ առաջարկելու համար․ Վոլոդինը՝ Ալիևին
Քաղաքականություն
26.09.2022 | 13:39
ՌԴ Պետդումայի նախագահ Վյաչեսլավ Վոլոդինը Բաքու կատարած պաշտոնական այցի շրջանակում հանդիպել է Ադրբեջանի նախագահ Իլհամ Ալիևին, տեղեկանում ենք Դումայի պաշտոնական կայքից։
Վոլոդինն Ալիևին է փոխանցել ՌԴ նախագահ Վլադիմիր Պուտինի ողջույններն ու բարեմաղթանքները՝ նշելով, որ Ռուսաստանի և Ադրբեջանի հարաբերությունները հաջողությամբ զարգանում են երկու նախագահների ջանքերի շնորհիվ։ Նա նաև ընդգծել է, որ Դուման և Միլի Մեջլիսը պետք է աշխատեն օրենսդրական դաշտի ապահովման ուղղությամբ՝ երկու երկրների դաշնակցային համագործակցության մասին հռչակագրի իրականացման համար։
Դումայի խոսնակը նաև ուշադրություն է հրավիրել միջխորհրդարանական երկխոսության ակտիվացման վրա։
«Մենք կփնտրենք նոր ձևաչափեր՝ երկու երկրների համար ռազմավարական հարցերի լուծումներ առաջարկելու համար»,- ասել է Վոլոդինը։
Ըստ ռուսական կողմի հաղորդագրության՝ Ալիևն իր հերթին հույս է հայտնել, որ ՌԴ-ի հետ միջխորհրդարանական շփումները շարունակվելու են, այդ թվում՝ միջազգային հարթակներում։
Էմմա Չոբանյան
