22.01.2026 | 10:49
Հայաստանի հավաքականն ընկերական հանդիպում կանցկացնի Բելառուսի հետ․ աղբյուր
«ԵՊՀ ռեստարտ» նախաձեռնությունը կոչ է անում վաղվանից դասադուլ սկսել՝ պահանջելով՝ ԵՊՀ ռեկտորի հրաժարականը
Հասարակություն
28.05.2018 | 10:49
«ԵՊՀ Ռեստարտ» նախաձեռնությունը հայտարարություն է տարածել՝ կոչ անելով երեքշաբթի օրը՝ ժամը 11:00-ին, ուսանողներին, դասախոսներին և աշխատակազմի ներկայացուցիչներին սկսել դասադուլ և գործադուլ հետևյալ պահաջներով`
1. ԵՊՀ ռեկտոր Արամ Սիմոնյանի հրաժարական
2. Հոգաբարձուների խորհրդի լուծարում
3. Ֆինանսական աուդիտի անցկացում
4. ՈՒԽ-ի և արհիմիության հետագա գործունեության կասեցում:
Հայտարարությունում նշված է, որ Մայր բուհ-ն ունի մի շարք խնդիր, այդ թվում՝ կրթության ցածր որակ, կենցաղային ոչ արժանապատիվ պայմաններ, ֆինանսների անարդյունավետ օգտագործում, ակադեմիական միջավայրի բացակայություն, դասախոսների և ուսանողների հետապնդումները քաղաքական հայացքների համար, բուհի-ի և նրա մի շարք կառույցների կուսակցականացվածությունը: Նշվում է նաև ՈՒԽ-ների և արհմիության գործունեության ցածր արդյունավետության մասին.
«Հայաստանում տեղի է ունեցել Թավշյա հեղափոխություն, Հայաստանում տեղի է ունեցել մշակույթի և մտքի հեղափոխություն, և ԵՊՀ-ում տիրող և՛ մթնոլորտը, և՛ իրավիճակը չեն համապատասխանում հեղափոխության հռչակած սկզբունքներին և արժեքներին:
Համապատասխանեցումը շատ արագ պետք է իրականացվի», – նշված է հայտարարությունում:
