23.06.2026 | 20:13
Պուտինն առաջին անգամ մեկնաբանել է Մոսկվային ուկրաինական ԱԹՍ-ների զանգվածային հարվածները
ԱՄՆ և Հյուսիսային Կորեայի առաջնորդների հանդիպմանը հնարավոր է միանա Հարավային Կորեայի նախագահը
Քաղաքականություն
28.05.2018 | 10:33
Հարավային Կորեայի նախագահ Մուն Չժե Ինը, հնարավոր է, միանա ԱՄՆ նախագահ Դոնալդ Թրամփի և Հյուսիսային Կորեայի առաջնորդ Կիմ Չեն Ընի հանդիպմանը: Այս մասին երկուշաբթի հայտնել է Yonhap գործակալությունը՝ վկայակոչելով Հարավային Կորեայի կառավարության իր աղբյուրին. փոխանցում է tass.ru-ն:
«ԱՄՆ և Հյուսիսային Կորեայի առաջնորդների միջև քննարկումները նոր են սկսվել, այնպես որ՝ սպասում ենք, թե ինչպիսին կլինեն դրանց արդյունքները, և ելքից կախված՝ նախագահ Մուն Չժե Ինը, հնարավոր է, միանա ԱՄՆ նախագահ Դոնալդ Թրամփին և Հյուսիսային Կորեայի նախագահ Կիմ Չեն Ընին»,- գործակալությանն ասել է աղբյուրը:
Նա հիշեցրել է, որ ԱՄՆ և Հյուսիսային Կորեայի առաջնորդների հանդիպումը կարող է տեղի ունենալ հունիսի 12-ին Սինգապուրում:
