01.07.2026 | 12:20
Ռուսական զորքերն Ուկրաինայի Դնեպրոպետրովսկի մարզում բենզալցակայանների են հարվածել․ կին է զոհվել
Պուտինի կողմից Ուկրաինայի վրա հարձակման դրդապաճառներն՝ ըստ Մակրոնի
Քաղաքականություն
23.09.2022 | 17:33
Ֆրանսիայի նախագահ Էմանուլ Մակրոնը CNN-ին տված հարցազրույցում հայտարարել է, որ ՌԴ նախագահ Վլադիմիր Պուտինի՝ Ուկրաինայի վրա հարձակվելու որոշումը պայմանավորված եղել մի քանի հանգամանքներով, գրում է DW ռուսական ծառայությունը։
«Ես ռացիոնալ բացատրություն չունեմ։ Ես գտնում եմ, որ սա վրդովմունքի համադրությունն է տարածաշրջանում հեգեմոնիայի ռազմավարության և կորոնավիրուսային համավարակի մեկուսացման հետ»,-ասել է Մակրոնը՝ հավելելով․ «Մի քանի ամիս առաջ Պուտինը պնդում էր, թե ՆԱՏՕ-ն իրեն ագրեսիվ է պահում, ես միայն արձագանքում էի իրավիճակին, բայց հիմա բոլորի համար պարզ է, որ նախագահ Պուտինն է որոշել պատերազմ սկսել»։
Պատերազմի բռնկումից առաջ և հետո Ֆրանսիայի նախագահն այն սակավաթիվ համաշխարհային առաջնորդներից էր, որը պարբերաբար հեռախոսով խոսում էր Պուտինի հետ՝ կոչ անելով դադարեցնել ներխուժումը։ Երկու նախագահների վերջին զրույցը տեղի է ունեցել սեպտեմբերի 11-ին։
«Նա ունի զգացողություն, որ 1990-ականներից հետո մենք նրա նկատմամբ բավարար չափով հարգանք չենք տածել»,-ասել է Մակրոնը։ Ֆրանսիայի նախագահի կարծիքով Պուտինի հետ իր երկխոսությունը դեռևս իմաստ ունի՝ մատնանշելով, որ դրա շնորհիվ հնարավոր է եղել ՄԱԳԱՏԷ-ի առաքելություն կազմակերպել Զապորոժիեի ԱԷԿ-ում։
«Մենք, հուսով եմ, գտնվում ենք այս կայանի պաշտպանության և ապառազմականացման շուրջբ համաձայնագրի կնքման վերջնական փուլում»,- ասել է Մակրոնը։
Էմմա Չոբանյան
