01.07.2026 | 12:20
Ռուսական զորքերն Ուկրաինայի Դնեպրոպետրովսկի մարզում բենզալցակայանների են հարվածել․ կին է զոհվել
ՌԴ-ում երկրորդ օրն անընդմեջ հրկիզում են զինկոմիսարիատները
Քաղաքականություն
23.09.2022 | 20:28
Սեպտեմբերի 23-ին Ռուսաստանում առնվազն 2 զինկոմիսարիատ են փորձել հրկիզել։ Խաբարովսկում «Մոլոտովի կոկտեյլ» են շպրտել Ինդուստրիալ շրջանի զինվորական կոմիսարիատի պատուհանից։ Արդյունքում այրվել են երկու կաբինետներ, տուժածներ չկան։
https://t.me/amur_mash/2427
Baza-ի տվյալներով՝ զինկոմիսարիատի հրկիզման փորձ է կատարվել նաև Ամուրի շրջանի Սվոբոդնի քաղաքում։ Դյուրավառ նյութով լի շշով վառվել է շենքի դիմային հատվածը։
Վոլգոգրադի մարզի Կամիշին քաղաքի իշխանություններն իրենց հերթին հայտնել են, որ անհայտ անձինք «հրկիզվող առարկա» են նետել Օկտյաբրսկայա փողոցի վարչական շենքի վրա։
«Արդյունքում շենքը փոքր վնաս է կրել»,- հայտնել են պաշտոնյաները։
Կոստրոմայի քաղաքային զինկոմիսարիատի շենքի պատին էլ հայհոյանքներ են գրվել մոբիլիզացիայի պատճառով։
Հիշեցենք, որ նախօրեին գրանցվել էր զինկոմիսարիատների առնվազն չորս հրկիզման փորձ՝ Սանկտ Պետերբուրգում, Նիժնի Նովգորոդում, Օրենբուրգի մարզում և Անդրբայկալյան երկրամասում։
Տաթև Ֆռանգյան
