10.10.2026 | 17:13
ՀՀ ՊՆ ՌՈ պետն այցելել է բանակային դիրքեր
Ուղերձների փոխանակում՝ Հայաստանի և Ինդոնեզիայի ԱԳՆ-ների միջև
Քաղաքականություն
22.09.2022 | 19:14
Հայաստանի և Ինդոնեզիայի արտաքին գործերի նախարարները սեպտեմբերի 22-ին ուղերձներ են փոխանակել Հայաստանի Հանրապետության և Ինդոնեզիայի Հանրապետության միջև դիվանագիտական հարաբերությունների հաստատման 30-ամյակի կապակցությամբ․ տեղեկացնում են ՀՀ ԱԳՆ-ից։
Հայաստանի արտաքին գործերի նախարար Արարատ Միրզոյանն ինդոնեզացի գործընկերոջն ուղղված իր ուղերձում կարևորել է երկկողմ և բազմակողմ հարթակներում հարաբերությունների զարգացումը և փոխշահավետ համագործակցության ընդլայնումը: Նա հույս է հայտնել, որ համատեղ ջանքերի շնորհիվ հայ-ինդոնեզական համագործակցությունը կբարձրացվի նոր մակարդակի:
Ինդոնեզիայի արտգործնախարար Ռեթնո Մարսուդիի շնորհավորական ուղերձում, մասնավորապես, նշվում է, որ 30-ամյա տարեդարձը նշանավորում է երկու երկրների սերտ համագործակցությունը տարբեր ուղղություններով: Ինդոնեզական կողմը կարևորում է առևտրի և տեղեկատվական տեխնոլոգիաների ոլորտներում կապերի սերտացումը, ինչպես նաև՝ փոխգործակցությունը Ինդոնեզիայի և ԵԱՏՄ-ի միջև կնքվելիք ազատ առևտրի մասին համաձայնագրի շրջանակներում:
