16.01.2026 | 22:53
Հայաստանի մի շարք հասցեներում էլեկկտրաէներգիայի անջատումներ կլինեն
Փելոսին քննարկել է ՀՀ ջանքերը ՄԻԵԴ-ում․ ՄԻՊ-ը՝ Եռաբլուրից ծնողների բերման ենթարկվելու մասին․ Լուրեր
Քաղաքականություն
21.09.2022 | 18:30
- ԱՄՆ Ներկայացուցիչների պալատի նախագահ Նենսի Փելոսիի, կոնգրեսական Ֆրենկ Փալոնեի և ՄԻԵԴ-ում Հայաստանի կառավարության ներկայացուցիչ Եղիշե Կիրակոսյանի մասնակցությամբ քննարկվել են մարդու իրավունքների սարսափելի ոտնահարումներն Ադրբեջանի կողմից, և ՄԱԿ-ի միջազգային դատարանում ու Մարդու իրավունքների եվրոպական դատարանում ՀՀ ջանքերը։
- Այսօր առավոտյան «Եռաբլուր» պանթեոնում ոստիկանների կողմից զոհված զինծառայողների ծնողների և այլ քաղաքացիների բերման ենթարկելու վերաբերյալ ՄԻՊ-ը հայտարարություն է տարածել ու նշել, որ ցանկացած դեպքում, և հատկապես նման զգայուն ու հուզական գերլարված իրավիճակներում, Ոստիկանության ծառայողները պետք է գործեն խիստ համաչափ և զերծ մնան ֆիզիկական նման ներգործությունից։ Դեպքի առթիվ ուսումնասիրություն է սկսվել Պաշտպանի աշխատակազմում։
- ՀՀ առևտրային բանկերն ինքնուրույն են կառավարում իրենց ռիսկերը, այդ թվում՝ պատժամիջոցների հետ կապված։ Այս մասին Factor.am-ին հայտնեցին Կենտրոնական բանկից՝ պատասխանելով ռուսական «Միր» վճարային համակարգի քարտերի սպասարկման վերաբերյալ հարցին։ Մինչ այդ, տեղեկություններ էին տարածվել այն մասին, որ հայաստանյան բանկերը դադարեցնում են ռուսական «Միր» վճարային համակարգի քարտերի սպասարկումը։
Այս ժամի լուրերը՝ տեսանյութում։
