01.07.2026 | 22:57
ԱԺ պատգամավորի երդման տեքստը կփոփոխվի․ օրենքի նախագիծը դրական եզրակացություն է ստացել
Ռուսաստանն իրեն վտանգավոր և անխոհեմ է պահում, բայց Արևմուտքը դիմակայելու է սպառնալիքներին. ՆԱՏՕ-ի գլխավոր քարտուղար
Քաղաքականություն
21.09.2022 | 20:07
ՆԱՏՕ-ի գլխավոր քարտուղար Յենս Ստոլտենբերգը ՌԴ նախագահ Վլադիմիր Պուտինի հայտարարած մոբիլիզացիան անվանել է վտանգավոր, իսկ միջուկային հռետորաբանությունը՝ անխոհեմ, գրում է BBC-ի ռուսական ծառայությունը։
Նրա խոսքով՝ միջուկային պատերազմի գաղափարն աբսուրդ է, և ՆԱՏՕ-ն կանի հնարավոր ամեն ինչ՝ Մոսկվային փոխանցելու նման հայտարարությունների ծանրությունը։
Պուտինի ելույթը էսկալացիայի ակնհայտ նշան է, բայց այն ամենը, ինչ նա ասել է, անակնկալ չէ, հավելել է Յենս Ստոլտենբերգը։
«Պուտինը գերագնահատել է իր ուժերը՝ պատերազմ սկսելով Ուկրաինայում, սխալվեց, և նրա վերջին հայտարարությունները դրա վառ ապացույցն են»,- ասել է ՆԱՏՕ-ի գլխավոր քարտուղարը։
Ըստ նրա՝ հարյուր հազարավոր մարդկանց ռազմաճակատ ուղարկելը կսրի ոչ միայն հակամարտությունը, այլև ռուսական բանակի դիրքերը։ Ստոլտենբերգը նշել է, որ ռուսական զորքերը վատ են հագեցված և չունեն համապատասխան հրամանատարություն և վերահսկողություն:
ՆԱՏՕ-ի գլխավոր քարտուղարը նաև վստահեցրել է, որ դաշինքի երկրները համատեղ կհակազդեն գլոբալ սպառնալիքներին։
Տաթև Ֆռանգյան
