08.06.2026 | 06:48
1299 ընտրատեղամասերում քվեարկության նախնական արդյունքները․ ԿԸՀ
ԱՄՆ-ն արձագանքել է միջուկային զենքի մասին Պուտինի հայտարարությանը
Քաղաքականություն
21.09.2022 | 18:46
ԱՄՆ-ը լրջորեն է ընդունել միջուկային զենքի մասին ՌԴ նախագահի խոսքերը, սակայն դեռևս սեփական զսպման ուժերի պատրաստականությունը բարձրացնելու անհրաժեշտություն չի տեսնում։ Այս մասին ABC հեռուստաընկերությանը տված հարցազրույցում ասել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։
Ժողովրդին ուղղված ուղերձում Պուտինը զգուշացրել է բոլոր նրանց, ովքեր «փորձում են միջուկային զենքով շանտաժի ենթարկել Ռուսաստանին»՝ կարծելով, որ «քամիների վարդը կարող է շրջվել իրենց օգտին»։
«Սա անպատասխանատու հռետորաբանություն է միջուկային տերության համար։ Մենք դրան լուրջ ենք վերաբերվում։ Մենք հնարավորինս վերահսկում ենք նրանց ռազմավարական կոնֆիգուրացիան, որպեսզի, անհրաժեշտության դեպքում, ուղղենք մերը: Հենց հիմա մենք նշաններ չենք տեսնում, որ դրա կարիքն ու պահանջը կա»,- ասել է Քիրբին:
Տաթև Ֆռանգյան
